Dialogus Creaturarum dat is Twispraec der creaturen

[fol. f3v]

Van dat meerswijn ende den ael ¶ Dyalogus xxxvij |

DElphin ¹⁵⁰ is een visch in die zee die als si der menschen | stemmen hoort daer nae volget ende als si soet ghe |.luyt hooren vergaderen si veel bi een. Inder zee en is | [5] niet cloecker ende vlugger dan dat meerswijn is want hi som- | wilen also weldelic springhet dat hi die scepen over springhet | Ende wanneer si springhen ende veel spuls in die zee maken dat is | een teyken datter grote tempeest ende onweder na volghen wil | Men vint oec in dat grote vloet nilus sommighe meerswinen die | [10] opten rugghe scarp sijn oft yser waer dye die veruaerlike co- | codrillen in dat dun vanden buuck steken ende dooden Dit | meerswijn vandt op een tijt in dye zee een ael. ende woudese | vanghen ende beheren Ende hi vattede den ael dicwijl om dat | hi en vanghen ende verdriuen woude. Mer want die ael glat | [15] was soe en mochte hijs nyet houden alsoe dat hy seer droeuich | daer om was ende gaf dye weer. Die ael hadde sijn iock ¹⁵¹ myt | hem ende woude hem bedrieghen ende seydeO meerswijn die | een groot wonderlick visch biste het yamert my dattu dye seer | vermoyste ende bedruct bist dattu na mi lopende mi niet hou | [20] den en moghestMer doch ist al om niet dattu arbeydes want | in diep van die zee en mogheste mi doch niet vangenMer gaet | mit mi int broeck ende inden droghen sloet daer saltu mi heb | ben ende houden tot dinen wil Dat sotte meerswijn om sine gul | siche begheerlicheyt ghinc mitten ael om dat hise vangen moch- |

150 D initiaal, 3 regels hoog, met zichtbare representant.

151 iock lees: jonck?

[fol. f4r]

te ende eten Ende doe si inden sloot ghecomen waren ghinc die | ael sitten opt hoghe daert droeghe was ende seyde coem nu tot | mi ende doet dijnen wil mit mi want hier worde ic vanden wor | telen der cruden ghehouden dat ic niet wech en mach nu moghestu | [5] van mi versadet worden Dat meerswijn dit horende gaf een gro | ten spronck ende meenden den ael te vanghen Mer den ael croop | in dat slijck ende dat meerswijn bleef daer vast gheset opt droge | ende die ael ontghinck van hem Als dit ghesciet was quam een vis | cher daer ende sach dat swijn ende sloech mit sijn swaert doert lijf | [10] ende seyde DIe ¹⁵² mit sinen viant inden weghe kijft. ten is geen | wonder dat hi verloren blijft. Daer om o mensch seltu dy wach- | ten van dinen losen smeikende viant ende en wilt sinen sconen woor | den niet gheloven ende wachte di dat hi di niet en bedriegheWant | seneca seyt het is vanden ouden geseyt te vresen voor den oetmoe- | [15] dighen viant In den boeck der leerringhe der philosophen is ge | screuen Dattie conynck van meden had een strijt teghen die grie | ken ende vergaderden een groot heer van volckOnder dit seyde | hem een van sinen volck Die grieken en sellen dy mitten groo | ten volck niet dorren verbeydenMer alsoe vroech als si van v | [20] vernemen sellen si vlien ende wech lopen Een ander was daer oec | die seide Het is te duchten dattu die steden in grieken ghedestru | eert ende sonder volck selste vinden ende dattu die craft dijns gro | ten volkes niet en selste moghen vertonen Noch was daer een | ander dye oeck seyde O heer coninck ganck vri an want dijn | [25] volck is alsoe groot dat die zee vol is van dinen schepen. die ten | ten vol ridders. ende die kampen beslaghen mit voetgangers | ende die lucht vervult mitten scutten des volcks van meden Al | soe dattu onuerwinlick biste Doe si aldus den conync toehar | dende groeten moede makede Dat hi van hoecheyt sijns har- | [30] ten ende moghentheyt synre macht die vianden versmaden. sey | de hem damacus die philosooph Di duncket dat dese veelheit | des volcks seer vreselic is dinen vianden Sich nochtant voer di | wanttet seker is datmen die veelheyt des volcks niet wel bestu | ren en mach Ende datmen niet regieren en mach dat en mach |

152 D initiaal, 1 regel hoog, met zichtbare representant.

[fol. f4v]

niet durich wesenGheen dinck en is soe groot dat niet vergaen | en mach Doe hi dit gheseyt had ghinc dat volck tegen malkander | te strijde: Ende dat dye philosooph voorseyt hadde dat ghe- | sciede want dat grote volck dat sonder vreese was ende nyet | [5] gheordineert. wort van weynich volcks verslagen dye wel | gheordineert ende voersichtich waren |