Dialogus Creaturarum dat is Twispraec der creaturen

Van mirtus ende dat wijf. Dat vierendedertichste dyalogus |

MIrtus ¹⁴⁰ is een boom dat op die kant van dye zee was | chet ende is den vrouwen tot vele dinghen nut. Het | was een wijf die sieck was ende al hoor goet vermeystert |

140 M initiaal, 3 regels hoog, geen zichtbare representant.

[fol. f1r]

had ende nochtant nerghent troest van hore siecten en vant De | se toech ten lesten op die zee ende vant daer dit voerseyde cruyt | Ende sprac dat an mit groter begheerlicheytO edele boem ont | ferme di mijnre ende ghif mi onsalighe wijf een tack van dy dat | [5] ic mine wonden ghenesen mach Die boem antwoorden Of ic di wat | vanden mijnen gaef wat loen soude ic van di hebben Dat wijf ant | woorden. Siluer of gout en heb ic niet want ic al mijn goet inder | siecten heb verteert ende vermeystert Mer dat loue ic god ende di dat ick | dijnre altoes in minen ghebede ghedencken sal Ende van dat selue | [10] goet dat mi god verleent sel ic di dijn deel of geuen Die boem antwoor | de Dat alre beste dattu mi gheuen moges dat is dattu in dinen | ghebeden god voer mi biddest Ganc vrij an ende clym in mi ende neem | datti gelieft Alleen sich dattu die geloften houdest ende seyde voort | Dien ¹⁴¹ sijn mischuldich dat onse te geuen. die onser gedencken in | [15] hoor ghebeden. Also selten wi oec weldoen den goeden menschen op | dat si an gode voor ons hoor ghebeden willen wtstorten Want die | heylighe gebeden vercrigen van gode dat si begeren als dye glosa | seyt Dat ghebet goeder menschen is als een scilt die van die toorn | godes bescermet Daer om seyt Origenes Meer vermach een hey | [20] lich mensche mit sinen gebede dan veel menschen dye sterc sijn | inden strijde Als wi lesen in dat oude testament in exodo dat in | dier tijt doe die kinder van ysrahel inder woestinen waren. was | daer een coninck amalech ghenoemt die dat volck van israhel | sterkeliken anvechtende was also dat si hem nyet weder staen | [25] en mochten Ende doe moyses sach dat hi mit sijn volck verwon | nen soude werden. liep hy totten ghebede ende buerden sine | handen op tot gode ende sloech sijn oghen inden hemel ende bad | den heer naernstelic om sine vianden te verwinnen Ende also | langhe als hi sijn handen op gherect had totten heer in sinen | [30] ghebede soe verwan sijn volck Ende als hi sijn handen neder | lyet gaen verwan amalech. Ende want moyses handen van | dat langhe ophouden swaer worden ende hise niet langher op | houden en mocht staet daer ghescreuen dat aaron ende hur gin | ghen die een ander rechter side ende dye ander ter lufter side ende |

141 D initiaal, 1 regel hoog, met zichtbare representant.

[fol. f1v]

hielden elck een van moyses handen op ter tijt toe dat amalech hoor | viant verwonnen wort ende hi van hem luden veriaghet wort ende vloet | Daer om seyt een leerre dat goeder menschen ghebet oec inden strij | de victori crijghet Men leest in die storie van gouert van belyoen | [5] dat op een tijt doe hi mit sinen heren ende volcke die groete stat van | anthiochien beleghen had Dat carbara maersscalc ¹⁴² des conyncs | van persen hem luden beleghen had mit groter macht van volc- | ke van turken ende saracijnen Also dat hi ende sijn volck seer benau | wet waren van hongher ende dorste want si niet en hadden daer | [10] si langher of mochten leuen. Ende dat hoer paerden eten mosten | basten ende scillen van bomen Dat si doe ynnichliken wtstor- | tende an god den heer ende ghinghen also te strijde tegen dye | saracinen daer si horen doot voer oghen saghen Dat god doe | van bouen seynden op hem luden ende op dye paerden een hemel | [15] schen douwe van wes soeticheyt si ende dye paerden alsoe ghe- | uoet ende ghesterket worden dat si daer of drye daghen lanc sterck | ghemaect alle die saracinen verwonnen versloghen ende ver- | iagheden ende namen hem alle hoor grote goeden |

142 maersscalc lees: maerscalc.