Logo DBNL
Dialogus Creaturarum dat is Twispraec der creaturen (2015)

Dialogus Creaturarum dat is Twispraec der creaturen

(2015)–Gheraert Leeu–rechtenstatus Auteursrechtelijk beschermd

Vorige Volgende

[5] Van dat water ende van dat vuer ¶ Dat tiende dyalogus |



illustratie

DAt 48 water sprack an dat vuer. ende seyde. waer om | broeder sijn wij vianden ende altoes contrari. Het | waer wel ghedaen dat wij dat ghebot des heren vol | brochten daer hy seyt. hebter lief dijn euen mensche ghelijck | [10] dij seluen als matheus bescrijft want oeck paulus leert. vol- | heyt der wet is liefte Hier toe antwoorde dat vuer Het beha- | ghet my wel dat du segste. Want die selue apostel seyt. liefte | des euen mensche en werket gheen quaet. laet wij daer om te | samen gaen ende onse woninghe mit malcander maken. Het | [15] gheschiede als si te samen woenden dat si nymmermee vrede | mit malcander en hadden. want dat vuer maecte dat water | altoes warm ende verderf hem sine craft. ¶ Ende dat water | dede dicwijl doe vuer wt: alsoe dat si onderlanghe nymmer- | meer sonder twist ende kijf en waren Waer om si oec weder | [20] van malcander sijn ghescheyden ende seyden. Nyement 49 en | sal mit sinen viant. wonen noch staen gheliker hant A.lso 50 en | sal gheen goet mensch. hem verenighen noch wonen. mitten | verkeerden die hem contrarij is Want lichtelic wort een goet | mensche van sijn faem beroeft ende verliest alle sijn goede wer |

ken om die verkeerde gheselscap Daer of seyt een philosooph | ende leert ons. Dat wy altoes kiesen sellen goede menschen | ende oetmoedighe daer wy mede wonen sellen ende oeck goet | moghen worden. Daer die propheet dauid of seyt inden sou- | [5] ter Mitten heylighen selstu worden gheheylicht ende mitten | verkeerden worden verkeert. Die heylighe apostel paulus | merkende dattet seer periculoes is mitten quaden te leuen. | Scrijft ende seyt wy ontbieden in broeders inden naem ons he | ren ihesu cristi dat ghij in versceydt van allen menschen dye | [10] sonder ordinancie wandert Want ysidorus seyt Het is sor- | chelic mitten quaden te leuen Ende het is quaet te wesen mit | den ghenen die quaet willen sijn Ghelijc als die hemel | mitten water dat aertrijck wasschende. antwoorde den ghe- | nen die swarte colen opt tlant brochten ende dat swart make | [15] de Ghij ende ic broeder en moghen niet ouer een comen want | al dat ick inden helen daghe wasschen mach ende wit maken | dat moghestu in eenre vren alheel leelick ende swart maken. | Alsoe oeck al dat goet of een wijs mensche mit groten ar- | beyde in lancheyt van tijden vercrighen mach. dat sel die dwase | [20] oeck die bose in een vre verderuen. |


Vorige Volgende