Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd
[Folio b1r]
| |
¶ Hier beghint ten loue goods een ghenoechlic profitelic boec ghehie- | ten dyalogus creaturarum dat is twijspraeck der creaturen ouer ghe- | set wtten latinen in goeden duytsche |¶ Van dye son ende dye maen dat eerste | [5] dyalogus | SInte Ga naar voetnoot14 bernardus dye heylighe leeraer | seyt in een sermoen God heeft in dat | firmament des hemels gheset twe gro | te lichten als die son ende die maen als | [10] twe oghen inden hoefde lichtende dach | ende nacht Daer of seyt oeck aristoti- | les Die son is dat oghe der werlt vro | licheyt des daghes. scoenheyt des he- | mels. maet der tijt. cracht ende oerspronc | | |
[Folio b1v]
| |
alre dinghen die gheboren worden een heer der planeten ende | een leyder ende volmaker alre sterren ¶ Die maen Als ambro | sius dye heylighe leerraer seyt. is schoonheyt ende ciericheyt | des nachts. een moeder alre vuchticheyt: ende maet der tijt. | [5] regeerster vander zee. verwandelende der lucht ende veruol- | ghende die son Ende want si die sonne veruolghende is soe be | ghan si op een tijt der sonnen achter rugghe te spreeken. ende | quaet of te segghen: Ende als dat dye son verhoorde seyde si | tot die maen Waer om sprekes du quaet van mi ende blasphe | [10] meert mi Ick heb di altoes licht ghegheuen ende heb altoes di | voer ghegaen Ende du hateste mi altijt ende anuechtes mi al | toes Die maen antwoorden Ghanck van mi want ick di niet | lief en heb. Om dattu alsoe groten licht wtgheefste soe en ben | ick niet gheachtet in die werelt. want waer du niet lichtende | [15] ende inder werlt verheuen soe soude ick die meeste wesen Doe | antwoordedie son O du ondanckbaer onder allen creaturen | Di soude bilker ghenoech wesen die grootheyt Al isset dat ick | inden daghe lichtende ben. du lichtes oeck inden nachte laet | ons obedieren onsen schepper Ende en wilt dy niet verheffen | [20] bouen mi. Mer laet mi des daghes lichten ende die creaturen | vercieren. Als dit die maen hoorden lyep si wech mit toorni- | ghen moede ende verghaderde tot hoer die sterren ende maec- | ten een groote verghaderinghe ende began te vechten teghen | die son ende schoot nae die son mit veel scerper scutten om die | [25] te wonden Dit sach die son wantse bouen dye maen stont en- | de nam een swaert ende sloech die maen ende deeldense in tween | sticken ende werp die sterren neederwart ende seyde. ¶ Aldus | seldi van mi ghebroken worden alstu ront ende vol biste Hier | om als die fabulen segghen en blijft die maen nymmermeer ront | [30] ende die sterren schinen te schieten recht of si vielen Doe wort | die maen confuys en seyde BEter Ga naar voetnoot15 ist dat ick om | mijnre houaerdien ghedeelt si ende castijt. dan alheel gebrocht | | |
[Folio b2r]
| |
wesen tot niet Soe sijn oeck veel houaerdigher menschen dye | alleen die meeste wesen willen ende en willen nyemant bouen | hem kennen. Want houerdie is als die glosa seyt een groot- | heyt van herten die die ondersaten versmadet ende arbeyden | [5] de is om te beheren die gheen die bouen hem sijn ende oeck die | hem ghelijck sijn. Want bouen allen anderen te wesen is seer | lasterlike quaet Mer den anderen sijns ghelijck te verdraghen | is prijselick ende eerlick als sinte Ian guldemont seyt: Vanden | houaerdighen scrijft die poeet hoghe worden die houaerdighen | [10] gheboert op dat si te swaerre moghen vallen. Want hoe dat | opclymmen hogher is alsoe veel te meerre ende swaerre is die | valle Ghelick als op een euen plaetse die niet hoghe en is vallet | die staet haesteliken op ongequetset Mer dye vant hoghe neder | valt en kan alsoe haestelick niet opghestaen. Want die tacken | [15] die hoech staen inden boem als cristostomus seyt warden dick | wijl vanden wint ende onweder ghebroken. Ende die by dye | wortel staen bliuen onghequetsset Ga naar voetnoot16. Daer om leestmen dat een | sprack totten groten alexander Al isset dat een boem hoghe in | dye lucht wasschet hy wort nochtant lichtelick vanden wijnt | [20] omgheworpen Ende al is die leeu een houaerdich beest hi wort | nochtant spijse der voghelen Een philosooph quam op alexan | ders graft ende seyde Ghisteren en was die gansse werlt desen | niet groot ghenoech Huden moet hi te vreeden wesen mit een | graft van vijf voeten |
|
