Theatrum stultorum
(1669)–Jan de Leenheer–
[pagina 62]
| |
Emblema.
| |
[pagina 63]
| |
Barbam Doctoris furcatam, pallia, braccas,
Fastum, nomen habent; caetera dona latent.
Nîl in Digestis, modicè de Codice nôrunt,
Eximij Stupidi mox tamen esse volunt.
Seu glaucum, aut rubrum; birretum rideo vestrum:
Non faciunt doctum pilea quadra virum.
Cingite contortis Asinorum tempora caudis;
Non est conveniens crinibus alter honos.
Hujusmodi Doctori mortuo, hoc, aut simile inscribendum Epitaphium.
Hìc jacet Eximius Dominus Magister noster,
Qui in vita sua argumentavit bis, vel ter:
Semel in Celarent, ita ut omnes admirarent;
Bis in Frisesomorum,
Requiescat in secula seculorum.
Amen. |
|