Un selekshon di palabra i ekspreshon. Deel 1

17 Bibida

Te ta kita set	Un labizjan di biña.
Mi tin sed 'i awa	Un bòter di serbes, limonada.
‘Sedu’ tambe sa uza.	Un flasku di remedi
Yena un glas te na mitar	Bebe na un hende su salú
Bibida stèrki	‘Chinchin!’ (na bo salú!)
Shap, botikin, restorant	Un hòmber kañá, betrá, zetá, humá
Hala beter.	Seipu ròm. Chupa ròm.
Ranka un kañá.	Dal un kalè
Un shapero (doño di shap)	Mesonero.

Drumi saka kañá despwes di un paranda sepá.

Bo mester tin stoma fwèrte pa wanta ròm ship, (rom blanku)

Nan ta bisa ku esun ku bebe limonada, ta ‘kria vruminga’

Dal un mas. Bo 'n por bai riba pia so!

Awa a pasa hariña! (e ta balente fuma).

Dòis ta un buraché di marka mayó ku sa kwe su awa tur dia.

Felipi ta bow di su awa. (Bon betrá)

Djo ta boko. (Bebedó grandi)

Yoshi tin mashá mal bibida. (E ta hasi fèrfelu ora e tin dos aden).

Eufemístikamente nan sa bisa di un hende ku a kraks un par, ku e ta ‘alegre o kontentu’.

Bo parse hende ku a drumi fuma, lanta burachi. (Bo ta tur bruá, tolondrá, kèns)

Un buraché semper tin motibu pa bebe; sea pasobra e ta tristu o kontentu, sea ku e tin ku selebrá algu, sea pa kita friu den temp'i awa, sea pa habri apetit.

Kana frifri (gatia) beter.

Pone bibida dilanti. (Bandoná tur kos, pa bebe)

Saka raton. (dal un beter su manisé di un paranda, pa kita kañá).

Spula boka ku ròm. (Bebe mainta tempran, promé ku kome)

[p. 23]

Ta saka kòrki di un bòter ku un kòputrèk.

Burachenan degenerá sa bebe ‘levú’ (alkohol metilá)

‘Tira patras’ ta nifiká ‘tira e beter den garganta sin ku e glas ta tochi boka)

Un mushi den dos. (un mushi di ròm partí den dos persona)

Un ‘yoshi’ ta mitar mushi.

Ban kwe un kachó. (Ban dal un beter)

Saka spiritu di un bòter. (benta un lusafè sendé den e tiki bibida ku a sobra den un bòter. Esei ta forma un kandela ku ta supla sali for di e bòter).

Skore (lèk) un tiki pa difuntunan. (tira algun gota di un bòter nobo na suela).

Hala kurpa ku ‘wiri’ (kombinashon di e sobrá den diferente bòter di bibida).

Ora nan ta bebe biña, bati glas, ami ta keda mal mirá. (Ora nan ta bon ku otro atrobe, ami ta keda Kristu. Pesei mihó mi keda afó).

Mester kumpra korokoro pa bebe awa. (Un hende mester sa slèk, pa e por kobra).

Tuma bebementu pa fishi. (hasi bebementu un kustumber)

Ken ta manda algu? (Ken ta trit?)

Manuel parse hende ku a bebe ròm ku pòlbu. (E ta razu)

E tabata patapata i el a yega kas boka 'bow.