Seis aña kaska bèrdè

[p. 87]

Vokabulario

Sierto palabra tin mas nifikashon

ku solamente loke tin spliká akí

Abreviashon

var.= variante; sin.= sinónimo

fig.= sentido figurá

awit grandi

baranka di Waterloo grandi i ankrá

barbá sepá, bon fundá, bon prepará, di smak, eksitoso

beenkappen protekshon pa pal'i pia

biki di tete punta di tete

bira djigel eksitá seksualmente

brial (var.: biar) wega ku ta hunga ku tres bala di marfil i un taku (palu di biar) riba un mesa spesial kubrí ku fieltro bèrdè

brik barku di tres master, fig.: muhé robusto

bulfait fiesta komersial den ambiente di libertinahe

chicha fresku, manera nada no a pasa

chirikí chirikí (var.: shíriki shíriki) onomatopeya, pa indiká zonido ku p.e. pargata, slòf o paña por produsí

Cinelandia teater di sine na Kòrsou, di estilo ‘art deco’

Club De Gezelligheid klup di hende hòmber di klase haltu, e tempu ei den e edifisio di Penha

CUROM e promé emisora di radio di Antia

depositá un bòkel shusha karson di spantu

De Stoep revista literario internashonal editá pa dòkter Chris Engels na Kòrsou di 1940-1954

flus di ‘crèche’ (probablemente grège, palabra franses), flus di seda krudo, por lo general koló krèm; e tela tin aspekto gròf manera na relieve será, pegá pegá

gutupreis hòrta, graps, kue bai kuné

gvd (hulandes) abreviashon di godverdomme, forma vulgar di maldishoná

Hènri-n'-ke-bai-profos marioneta

hole foñèkè hole sumamente desagradabel

[p. 88]

Jan Wowo beinam di un hòmber ku tabata hala garoshi ku barí di ‘shushi di kamber’ den Punda bai tira na laman tempu ku ainda no tabatin fasilidat di wc

Kabarèt di Pargata un kabarèt di ménos kategoria den un kas di tabla na Kas Chikitu

kaimas tela será gròf, spesialmente usá pa paña di bela

kamna (var.: kana)

kaska un hende su ròk zundra un hende mal zundrá

kater tipo di kama trahá di paña di bela riba pia krusá, ku por habri i sera

klewan un sorto di sabla

kontra di (var.: kantu di)

koprá rango militar despues di sòldá

kotikoti pegá pegá

lichting (hulandes) konvokashon pa servisio militar; grupo di milisiano ku a kuminsá servisio militar mes aña

mamaña (var.: mamaya) nòmber di un palu di fruta grandi i nòmber di e fruta mes di koló oraño

mantuana muhé hechu, rekonosé pa su eksperensia di bida; muhé di bida alegre

matamentu di chines na 1942 un grupo di nabegante chines den servisio di Curaçaose Scheepvaart Maatschappij a wèlga pa mihó kondishon di trabou en bista di e peliger ku nan ta kore pa motibu di guera. Komo den tempu di guera no ta permití wèlga a interná nan na Suffisant, loke a kondusí na un lantamentu. Den un konfrontashon ku polis diesdos di e chinesnan a pèrdè nan bida i hopi a keda heridá.

mein (var.: mei) mitar

M.P. Military Police

minit (var.: minüt)

mitrailleursnest (hulandes) lugá kaminda ta posishoná un o mas mitrayùr kla pa usa pa defensa

munstra (var.: mustra)

Museo e úniko museo e tempu ei tabata Curaçaosch Museum

nestel (hulandes) insignia riba skouder di unifòrm di marechaussee, adjudant etc.

niemandsland (hulandes) pida tereno ku no ta di niun hende

peseta e tabatin nos peseta; e tabatin nos molestiá, hartá

pia di kater pia x

[p. 89]

pia di tera persona slòns, ordinario

pia- n'-kome-ninga (var. di: pia no a kome neng'é) kore limpi bai

picrinezuur (hulandes) supstansha ku tabata usa ántes e.o. pa desinfektá herida; e ta pika mashá

planton (hulandes) sòldá pará na warda ku òrdu pa no move djei

platjesparade (hulandes) forma chistoso pa indiká ku superiornan ta pone e sòldánan para na rei pa kontrolá si nan tin plateis

porta na kap porta no kompletamente será

pua traha duru, mula kurpa

ruan hende kabei kòrá, koló kla blek, sea ku o sin purunchi

Schutterij durante Segundo Guera Mundial, djis despues ku Alemania a invadí Hulanda, a instituí e kuerpo militar di Schutterij na Antia Hulandes pa medio di servisio militar obligatorio. Tarea prinsipal di Schutterij tabata vigilansia di Fòrti, Shell, Bullenbaai, Caracasbaai i kosta en general

sanka na man blo bashí

springzeil (hulandes) lona ku kuerpo di bombero ta uza pa hende bula aden for di kas o edifisio haltu ku ta na kandela

tantisma (var.: tantísimo/a) di tantu

tarai fiesta di baile erótiko (organisá den Punda di antaño) kaminda tabata paga pa entrada

verduistering (hulandes) blèkout den tempu di guera

verkeerspaal (hulandes) nèt dilanti di brùg Reina Emma na Punda tabatin un plataforma kaminda polis tabata para dirigí tráfiko

wahiki (var.: waiki) pida paña ku hende muhé ta bisti den nan karson djabou ora nan ta na regla

wakamaya tipo di lora grandi, koló kòrá ku hel o blou ku hel; (aki usá den sentido figurá)

wewe (var.: werewere) pleitamentu ku dezòrdu, diskushon formal

zeuntje (hulandes) e miembro di mas yòn di un grupo den ehérsito ku mester bai buska kuminda den kushina i laba kos di kibra ora kaba di kome

ziekenpa (hulandes) enfermero militar