Raspá

[p. 71]

Pa sera festa

Ai, si murjendo mi por tende
Wals di mi lugá,
Korjendo riba ultimo suspiro di mi pechu.
Ku su ritmo di legría,
Ku su ansha di plaser,
Ku su gritu di kontentu;
Ki trankil mi wowonan lo sera.

Si por tin algun amigu tokadó
Sintá kaminda mi ta kaba,
E regalo apresjá ku nan por 'nami
Ta un wals di mi lugá, pa despedida;
Pa mi pega sonjo den mi Dios su brasa
Ku animashon liviano di un wals,
Di kwatr parti, si bo ke;
Ma kòrda bon. Tok'e ku bida,
Klap e kwarta, namor'e fió
I pipitá bas dje guitara,
Pa e anglnan cu bula bin buskami
Gosa kiko ta muzik 'i kwèrdè.