Raspá

[p. 41]

Despwes di prome jobida

Mi mondi ta di fjesta!
Shelu a banj'e ku awaseru,
Laba pena di su pechu
Ku sekura di su kara,
Mjentras solo,
Ku karisja di amante pashoná,
A duna swela tur matís di bèrdè bibu.

Jerbanan a salta fo'i su kurpa
Den baranka, kant'i roj,
Den tur kunuku, riba seru.
Páranan a bira loko di legría,
Ripití nan repertorjo
Di kantíkanan festivo.

Ai, mi mondi ta di fjesta!
Di kontentu mi ke sinta namor'e.
Pasobra kada be k'e rebibá
M'a sinti den mi mes
Promesa di un bida nobo.