2. Poesia líriko
Lira: nomber di e instrument ku griegonan tabata uza pa kompañá nan kansion.
Poesia líriko ta deriva di esei, demonstrando e relashon entre kansion i muzik. Lírika ta mes biew ku mundu. Semper hende bibu a sinti nesesidad di ekspresa su sintimentu alegre o tristu. Moises i su israelitanan a kanta despwes ku e farao i su sóldanan a hoga den Laman Kòrá. Aki na Korsow e katibunan tabata ekspresa nan sintimentu den varios kantika di trabow.
Emoshon ku beyesa okashona por surgi den tur tempu i tur kaminda. Pesei ta di kompronde ku maske kon simpel e kultura di un pueblo ta, e por krea arte den kwalke fórma. Si hende no ekspresa loke ta den dje, su bida lo bira insoportabel.
Asta pensamentu tristu por transforma na alegria, pa un hende haña alivio.
Un ehempel ta ‘Si nos alma skucha’ di L. Daal.
kwantu kos l'e n' komprende;
kwantu pensamentu tristu,
fwente di legria, lus i fe
ku ta konsola i duna bida.
Auteursrechtelijk beschermd