Levenders reden-feest, oft Amsteldams Helicon

(1624)–Jan Sijwertsz Kolm– rechtenstatus



[Folio B4v]
Voor-reden Tot de Konst-lievers. GHeliefde gheeft ghehoor, naedien gheneghen lusten By ons uyt 's Levens Ionst bereyt syn niet te rusten, En hooret vvacker toe, deur redens soete tael Wt dees vvelcome schaer veel loffelijc verhael, Vermaect u, laet u gheest vry tot Parnasse rysen, Hier zyn de Lievers die u grage hongher spysen Met veel leerlijcke vreught, quaemt ghy uyt Ionst om sien, Aenhoort, siet aen, en svvyght, en laet gheen tydt ontvlien Deur u onnut gherel zyt ghy leergier'ge sinnen So b'hoort ghy met aendacht dus vvaerheydt te beminnen, Gheen grooter vyandin heeft oyt Konst-lof bestreen Als d'snoo onvvetenheydt, vervvorchster van de reen, De voedtster-Momus die den spotter styft in 't blaesen, Nochtans vvy vaeren voort, en laeten Soylum raesen, Bidden noch eenmael aen 'tbeleefde van u aert Dat ghy dees na haer Eer, en komsts met danck vervvaert.