Christelijck vermaeck
(1645)–Anthony Jansen–
Auteursrechtvrijbestaende in verscheyden stichtelijcke rijmen en gesangen
[pagina 60]
| |
En altijdt nae sijne Wetten staet,
En 'er nimmermeer niet af en gaet:
Saligh die met de Deught sich paren,
En door d'enghe poort
Gaen staegh in Deughden voort:
Godt die sal 'er gheven
Naemaels 't eeuwicht leven,
nae sijn onverandert woordt.
2 Dus laten wy beminnen
Ghestadigh onsen Godt,
Ende vli'en het leelijck heyloos rot,
Dat gheduerichlijck met sulcke spot;
Laten wy staegh met hart en sinnen
Vlieden alle quaedt,
En 't gun de ziele schaedt:
| |
[pagina 61]
| |
Sonden als een pest // vlien,
Altijdt naer 'et best // sien,
Is den aldernutsten raedt.
3Want laes! dees boose tijden,
Die dapper zwangher gaen
Van bedrogh, van leughen, ende waen,
Van bedrieghery, van twist en slaen,
Van moordery, elend' en strijden:
Daerom vlijtigh waeckt,
Eer dat den grouwel naeckt;
Wilt de enghe baen // gaen,
Ende noyt nae waen // staen,
Heyl, die in den Hemel raeckt.
Liever. |
|