Ghemeene seyndtbrieven

Een soon vol leert zijnde begheert een maniere van leven te aenveerden.

EErweerdighe seer beminde Vader N. Ick ghebiede my in u goede gratie. Den waerom van desen is, dat ick u volmoedich bidde dat v believe te letten dat ick eenighe const oft Ambacht mocht leeren, daer ick mijn cost mede eerlyck mochte winnen: Want ick nu redelijcke vvel gheleert ben, in Fransoijs, Latijn, rekenen, Cyferen, boeckhouwen, ende in alle deugden en Godtvruchlicheydt onderwesen, daer ick v l. hartelijcken seer af bedanckt, dat ghy gheen coste noch moeyte ghespaert hebt.

Ick bidde onse lieve Heer dat hyt v inder eeuwicheydt vergelden vvil.

Mijn sin soude vvel strecken om een

[fol. C1r]

Apoteker te vvorden, vvant ick groote vermaeckelijckheydt hebbe, int harbariseren, ende om dat mijn sinlijcheydt daer meest toe streckt, soo schijntet vvel dat my Godt daer toe gheroepen heeft.

Daerom beminde Vader, dunckt het u gheraden te vvesen, soo soude ick my daer geern toe begheven. Zijt hier mede den Heere bevolen.