Feest daghen behoortmen wel over te brenghen.
DEuchtsamen beminde vriendt C. Ick ontbiede v duysent goede nachten. D'oorsaecke van mijn schrijven is, dat ick bemercke dat veel Menschen onbehoorlijcken leven op Sondaghen ende Heylighe daghen, dan op vvercke daghen, 'twelck een beclaeghlijck vverck is, Aenghesien die Feestdaghen in ghestelt zijn, principalijcken om Godt te dienen ende wercken van barmharticheydt te bewijsen aen ons eue mensch, ende niet om spelen oft om quaet ghelaet te bewysen. Daerom beminde vrient vvilt de Sondaghen vvel ouer brenghen, u versoenende met Godt hem biddende om gratie, zijn H.vvoort hoorende ende lesende, die siecke besoeckende, Gasthuysen, Lepros huysen, Weeshuysen visiterende. En denckt op die rustdach ende feestdach die eeuwich dueren sal. Hier naemaels inden Hemel. Dit doende sult vvel doen. En blijft den Heer bevolen.
Auteursrechtvrij