Vermaninghe tot die werken van barmherticheyt.
BEminde vrient P. Ick ontbiede v hondert duysent goede nachten. Den vvaeromme van desen is, dat ick v vvt broederlijcke liefde vermane, dat ghy v toch niet vvilt laten verdrieten die vvercken van barmherticheydt te volbrenghen. Want salich zijn die barmhertighe, vvant zy sullen barmherticheyt vercryghen. Ende een oordeel sonder barmherticheydt sullen die cryghen die onbarmhertich sullen gheweest hebben. Gheeft en u sal ghegheven vvorden hier tijtelijck hondert fout, ende hier naemaels dat eeuwighe leven. Al het gheen dat een mensche hier in Dese Werelt saeyt van barmherticheydt, dat sal hy hier naemaels mayen. Daerom soo leestmen van Abraham, Lot, Iob, en alle ander H. menschen dat zy hun altijt sonderlingen gheoeffent hebben inde wercken van barmherticheydt. Twelck is gheleghen in ons eue mensch te gheven, te helpen, te leeren, te vertroosten, te straffen, te vermaken ende meer ander deuchden te bewijsen. Beminde vrient, zijt hier mede den Heere beuolen Gheschreven desen, etc.
Auteursrechtvrij