XXII.
R. Descartes à Const. Huygens père.
1644.
La lettre a été publiée en 1926 à Oxford dans le recueil-RothGa naar voetnoot1) (Nr. XCVII).
Monsieur,
Estant reuenu chercher vn lieu de retraite icy au quartier d'Egmond où ie m'estois cy deuant assez bien trouué, i'y ay rencontray le Sieur SchootenGa naar voetnoot2) en la maison de Mr de BergueGa naar voetnoot3), et voyant qu'il auoit inclination à s'en aller l'esté prochain demeurer à la Haye pout y enseigner les Mathematiques, ie l'ay fortifié le plus que i'ay pû en ce dessein, et mesme ay voulu luy persuader d'y aller dez à present, pensant que vous seriez peutestre bien ayse de vous en seruir pour donner entrée en l'Algebre à ceux de Mrs vos enfans qui y auront le plus d'inclination; car ie ne sçache personne en ce païs, et ie n'en connois guere aussy ailleurs, qui en soit si capable que luy. Mais il est si desireux de s'instruire soy mesine, et se plaist si fort à cete sorte d'estude, qui me semble estre la clef de toutes les autres, que la raison pour laquelle il m'a dit ne se pouuoir resoudre à demeurer à la Haye dez cet hyuer est qu'il craindroit d'auoir tant de disciples qu'il ne luy resteroit pas assez de loysir pour vacquer à sa propre instruction. Il m'a toutefois promis de vous aller offrir son seruice aussy tost qu'il sera à Leyde, et ie luy ay voulu donner cete lettre affin de l'y obliger, et par mesme moyen vous assurer que ie suis auec passion
Monsieur,
Vostre tres humble et tres obeissant seruiteur,
Des Cartes
D'Egmond, le 21 Decembre 1644.
Auteursrecht onbekend