Oeuvres complètes. Tome VI. Correspondance 1666-1669

N^o 1791.
V. Renier¹⁾ à Christiaan Huygens.
[1669].

La pièce se trouve à Leiden, coll. Huygens^a).

1) Vincentius Renierus, natif de Gênes, était de l'ordre Montis Oliveri: il était poète, orateur, théologien et mathématicien.

a) De Monsieur Renier par le Pere Bertet [Chr. Huygens].

Sisteme de la Percussion conforme aux Regles du mouuemant donnéez par Monsieur Hugens.

Suppositions.

1^er....Le mesme mouuemant dans deux corps differans en poids y produit des vitesses, qui sont reciproquemant comme les Poids de ces Corps.

2^me....La mesme Puissance pousse et meut deux differans corps avec des vitesses, qui sont reciproquement comme les Poids de ces Corps.

3^me....L'air a une vertu ou puissance Elastique.

4^me....Lorsque deux corps durs etans en mouuemant viennent a se rancontrer dune vitesse assez grande; L'air qui estoit entre ces deux corps est chassé et comprimé par le moyen de leur conflict; Et cet air comprimé uoulant se remettre

[p. 560]

en son premier Estat repousse ces deux corps auec la mesme force dont il auoit eté chassé et comprimé.

5^me....Si le corps A est meu auec la vitesse d+e, et le corps B de mesme



costé auec la vitesse e; ces deux corps se rancontreront auec la vitesse d; et l'air, qui est entre ces deux corps sera chassé auec la meme vitesse d. 6^me....Si le corps A est meu auec la vitesse d, et le corps B d'un mouuemant



contraire auec la vitesse e; ces deux corps se rancontreront auec la vitesse d+e; et dans leur conflict l'air sera chassé auec la meme vitesse d+e. 7^me....Si deux mouuemans contraires auec les vitesses AB, BC se rancontrent



dans un mesme corps; il sera meu du costé ou le plus grand mouuemant le portoit, et auec une vitesse AC egale a la differance des deux premieres. 8^me....Si deux mouuemans vers vn meme costé, auec les vitesses AB, BC



se Rancontrent dans un meme corps; Il en resultera un mouuemant du mesme costé, dont la vitesse AC sera egalle a laggregé des deux premieres vistesses AB, BC.

Aduertissement.

Notéz que quand une vitesse est marquée par deux lettres, la premiere designe le commencemant du mouuemant ou le terme du depart, et la seconde lettre le terme ou finit le mouuemant. Ainsy la vitesse AB fait conoitre que le mobile se meut de A en B; au contraire la vitesse BA montre que le mouuemant se fait de B en A.

Theoreme.

Que le corps A meu auec la vitesse AD, rancontre directemant le corps B meû ou du mesme costé ou dun mouuemant contraire auec la vitesse BD; que C soit le centre de grauité des corps A, B; et soit faire CE egale a CD; Je dis que EB, EA denoteront les vitesses ou de meme costé, ou opposeez auec lesquelles les corps B, et A seront meus apres leur rancontre.

1^ere partie..Preuue....par la 5^e ou 6^e supposition. Le corps A rancontrera le corps B auec la vistesse AB; et par la 1^re supposition faisant prevision du mouuemant du corps B, et de la puissance Elastique de l'air, le corps B etant frappé du corps A receuroit une vitesse comme CB; Mais il auoit auant la ditte

[p. 561]

rancontre une uistesse comme BD; donc par la 7^e ou 8^e supposition apres la ditte rancontre et faisant touiours prevision de la puissance elastique de l'air, Il auroit une uitesse comme CD, ou, EC son Egale; Mais par la 3^e, 4^e et 2^e supposition l'ors du conflict des deux corps A, B, l'air chassé et comprimé auec une vitesse comme AB, repousse le corps B auec une vistessé comme CB; donc par la 8^e supposition le corps B apres le conflict sera meû d'une vitesse comme EC + CB, scauoir comme EB,....ce qu 'il falloit premierement prouuer.

2^e partie....De mesme par la 5^e ou 6^e supposition, le corps B rancontrera le corps A auec la vitesse BA; et par la 1^ere supposition faisant prevision du mouuemant propre de A, et de la puissance de l'air, le corps A etant frappé du corps B receuroit une uitesse comme CA; Mais le corps A auant que detre frappé auoit une vitesse comme AD; donc par la 7^e et 8^e supposition, apres la ditte rancontre et faisant touiours prevision de la puissance de l'air, ce corps A auroit une vitesse comme CD ou EC son Egale; Mais par les 3^e 4^e et 2^e suppositions l'ors du conflict de ces deux corps, L'air repousse le corps A quec une vitesse comme CA; donc par la 8^e supposition apres ce conflict le corps A sera meu auec une vitesse comme EA,....ce qu'il falloit prouuer en derier lieu.