Oeuvres complètes. Tome V. Correspondance 1664-1665

N^o 1314.
Gregorius a St. Vincentio à Christiaan Huygens.
23 janvier 1665.

La lettre se trouve à Leiden, coll. Huygens.
Elle est la réponse au No. 1306.

Clarissime Domine

Misi Romam tuum munusculum¹⁾, et Pragam litteras tuas²⁾, vbique gratissimum sincerae amicitiae symbolum. Curiosius voluj ac reuoluj argumentum litteris apertis³⁾ contentum; Indignabar loco mutj litterarum commercij coram animj sensa vtrimque communicandj integrum non esse. Laudo interea et miror animos ac industriam tuam circa contemplationes, quae longitudinibus investigandis inserviunt, gratissimum longioribus praesertim nauigationibus solatium. Dioptrica etiam promittis, spartam non minus desideratam atque arduam. De eadem materia inter nos sermo fuit dum Clarissimus Schoten⁴⁾ Gandauj ante aliquot annos me jnuiseret, aiebamque inter caeteras lucubrationes meas exstare hanc propositionem.

Lineam rectam speculo concauo aut convexo ita constituere ut appareat punctum opticum. Deinde linea recta jmo et circularis, praeterea Elliptica, vlterius parabolica, denique hyperbolica.

1) Le Systema Saturnium.

2) Voir la Lettre N^o. 1307, à Kinner à Löwenthurn.

3) Voir la polémique entre Eustachio de Divinis et Chr. Huygens.

4) Frans van Schooten était mort en 1661; ce voyage nous est resté tout à fait inconnu.

[p. 204]

Mentionem Cometae varijs e locis accepj sed solius qui Decembrj mense visus fuit; nullas hucusque reperj, quae secundi⁵⁾ (qui hucusque apparet) meminerint. Credunt nonnullj unum esse eundemque quj praesenti mense et elapso nostrum hemisphaerium jnviserit, cum tamen prior meridiem versus cursum suum direxerit, secundus Septentrionem continuo petat. Roma intelleximus Reginam Sueciae⁶⁾ a Patre Kirchero et Patre Fabrj obseruationes postulasse de primo Cometa, qui pluribus diebus Romae apparuit postquam hîc videri desijt.

Clarissimae Dominationis suae Ex animo obsequijs addictissimus Gregorius a Sto. Vincentio octogenario maior

Gandauj 23 Januarij annj 1665.

5) En effet, c'est la même comète que l'on avait déjà observée en décembre 1664.

6) La reine Christine.