Oeuvres complètes. Tome II. Correspondance 1657-1659

N^o 368.
Christiaan Huygens à Fr. van Schooten.
12 janvier 1657.

La lettre, la minute et la copie se trouvent à Leiden, coll. Huygens.
Fr. van Schooten y répondit par le No. 369.

Sommaire: De Bullialdo cum Thuano redituro.

Clarissimo Viro Domino Fr. Schotenio Chr. Hugenius S.D.

Literas tibi mitto à Domino Milon¹⁾ quas heri sub vesperam accepi meis inclusas. Nescio equidem quid sibi velit, cum omnimodis à nobis suppleri postulat quae

1) C'est la Lettre N^o. 367.

[p. 5]

desunt methodo Palierij; quae sane plura sunt et difficiliora ijs quae ille tradidit. Nam si tu vel ego reliqua adinvenimus, non jam Palierij libellus erit nisi ex parte dimidia. Cum autem ex tuis inventis ejusmodi constructionis methodum omnibus numeris absolutum sis pollicitus hoc minus à te petere debuit ut alienis inventis perficiundis otium impenderes. De binis Parabolis simul adhibendis quod scribit, non puto huic negotio accommodatum fore, quoniam unius ope omnes aequationes expediri posse constat. Nam secundo ablato termino quomodo id fiat Cartesius ostendit; à te vero etiam absque hac praeparatione docebitur; hoc enim, ni fallor, promisisti. Si tamen Milonio morem gerere decrevisti, denuoque Pallierij scriptum expendere, ecce una id tibi mitto: sin minus, ut ipsi remittas. Alteram huic insertam epistolam Cognata Zueria à fratre suo²⁾ accepit, rogata nuper à charissima uxore tua³⁾ ut quoquomodo insignia Trouquetij⁴⁾ sibi exquireret. Ea sunt quibus haec obsignata fuit epistola, in quibus quid sit expressum propter exilitatem nimiam difficile sane dignoscitur. Gemmarij fortasse juvabunt, qui hisce sculpendis victum quaerunt. Veruntamen colores desiderantur neque scimus unde peti debeant.

Scribit mihi inter alia Milonius,⁵⁾ brevi hic adfore Bullialdum; legationi nempe ei a secretis venturum in quam Dominus Thuanus deputatus est, quocum nunc habitat.

Inveni hisce diebus⁶⁾ novam horologij fabricam, tam accurate tempora dimetientis, ut non parva spes sit longitudines ejus ope definire posse utique si per mare vehi patiatur. Vale.

Dat. Hagae Com. 12 Jan. 1657.

2) Jacob Suerius, voyez la Lettre N^o. 78, note 1.

3) Margaritgen Wijnants Jansdochter, née à Meppen, épousa en août 1652 le professeur Frans van Schooten.

4) Probablement François Trouquet, qui, le 5 juillet 1626, avait épousé à Delft Marie Foucart.

5) Voir la Lettre N^o. 366.

6) Les Adversaria démontrent que l'invention de l'horloge à pendule eut lieu dans les derniers jours de décembre 1656.