Briefwisseling. Deel 6: 1663-1687

6425. Aan het bureau der domeinen van Oranje. (H.A.).aant.

Depuis ma derniere du 3^e de ce mois que M. le greffier Sauzin vous aura communiquée, j'ay faict parler icy avec M. le commandeur de Gault touchant ce qu'il a pretendu luy competer pour des reparations necessaires faictes au chasteau, et la quantité de poudre, mesche et autres provisions appartenantes à S.A. qu'il dit avoir eu ordre d'employer tant à la demolition de nos ouvrages, qu'en d'autres occasions survenues durant le temps de son commandement. Toutes lesquelles choses ayant esté ajustées de part et d'autre ledit Sieur commandeur nous a mis en main les ordres adressez à l'officier commandant en sa place, tels que vous les recevrez cy joincts, aveq la copie qu'il n'a pas faict difficulté de me communiquer. Il sera donc à propos que vous preniez la peine ensemble de recevoir au nom de S.A. la delivrance du chasteau hors des mains dudit officier, apres qu'il vous aura fourni et delivré tout ce qui est compris dans l'inventaire cy joinct, faict et signé lors de la reddition de la place, à la reserve de ce que vous verrez par lesdits ordres en devoir estre deduit; et pour cest effect sera necessaire que vous vous fassiez assister par le S.^r François Riomal⁴⁾, que S.A. a voulu gratifier de la charge de commis des munitions de guerre et des vivres audit chasteau. Lequel estant evacué par la garnison du Roy tres-Chrestien, vous aurez soin de le faire occuper et garder par tel nombre de gens que vous jugerez necessaire, afin qu'aucun inconvenient n'y puisse arriver, de quoy on se repose en vostre prudence, diligence et fidelité, jusques à ce que m'estant rendu sur les lieux, je puisse regler cela et toutes autres choses selon les ordres qu'il a pleu à S.A. Madame de m'en departir.

Je vous envoye par avance l'arrest que j'ay obtenu icy pour le delay de noz productions touchant le droict du peage, pour vous en prevaloir selon sa

4) Zie No. 6433.

[p. 139]

forme et teneur, au prouffit de S.A., et dans l'intention de suivre tout cecy en personne dans peu de jours je prie Dien de vous benir de toute prosperité et suis ..... Paris, 10 Mars 1665¹⁾.

Comme M. de Gaut ordonne à son officier de faire toutes choses sans bruict et de bonne grace, j'ay à vous recommander aussi qu'il en soit usé de mesme de nostre costé. Il m'a faict requerir aujourdhuy 13^e d'avoir soin qu'il soit donné attestation audit officier du jour de sa sortie, qu'il sera bon de luy faire depescher sans difficulté.

1) Huygens teekende daaronder aan: depeschée le 13^e.