Briefwisseling. Deel 5: 1649-1663

[p. 465]

5885. Aan J. Sauzin. (H.A)

Sur ce que vous nous avez adverti par vostre depesche du 19 Juillet¹⁾ touchant la difficulté qui se rencontroit à faire payer le droict du peage du sel en essence, on a trouvé bon à la Haye de ne remuer point ceste affaire icy presentement, ains qu'on continuera de faire pour la maintenue dudit droict de mesme qu'on en a usé de tout temps. Quant à ce que par vostre derniere du 26^e dudit mois²⁾ vous me dites touchant le payement des despenses pressées, et qui ne souffriroyent aucun delay, il sera bon que vous m'envoyiez un estat de celles qui se trouveront les plus urgentes, afin que le tout consideré je puisse mander comme quoy on aura à s'y comporter. Pendant quoy si Mons.^r de Beauregard me vouloit croire en ami, il s'estudieroit à faire paroistre en telles et autres occasions le zele qu'il a pour le service de S.A., et asseurement, comme cela pourroit adoucir plusieurs choses passées, il ne s'en trouveroit que fort bien. 10 Aoust 1662.

1) No. 5866.

2) No. 5877.