Briefwisseling. Deel 5: 1649-1663

5772. Aan J. Sauzin¹²⁾. (H.A.)

C'est icy pour vous mettre hors de souci du gros pacquet, que vous m'avez envoyé le 7^e Febvrier¹³⁾; je l'ay receu à son temps et faict passer les principales pieces vers la Haye, comme je devois. Touchant ma negotiation, dont vous avez subject d'estre curieux, j'ay à vous dire, qu'à ma derniere audience, qui fut le 6 de ce mois, il plût au Roy me commander, d'asseurer

12) Kopie.

13) Zie No. 5762.

[p. 403]

Madame la Princesse Douariere, que pour la satisfaction qu'elle luy demande, il n'attend que de sçavoir à tout' heure que la place soit en estat de pouvoir estre rendue. S.M. faict aussi une response tres-civile à une lettre de madite Dame la Princesse, que j'ay eu l'honneur de luy presenter en mesme temps. Ayez soin, s'il vous plaist, de debiter ce que je vous mande avec modestie et discretion, sans faire que personne s'en afflige ou s'en glorifie, l'intention de S.A. estant tousjours qu'indifferemment touts les bons subjects trouvent leur compte et leur contentement dans la paix et le repos universel de l'Estat. Je suis ..... A Paris, 10 Mars 1662.

Vous voyez qu'il sera à propos que je sache où on en est de ceste derniere demolition; à ce qu'on me dit, elle pourroit estre achevée.