Briefwisseling. Deel 5: 1649-1663

5320. J. Westerbaen⁶⁾. (L.B.)

Quod tam magnifice sentis de poemate meo nondum a te inspecto, nae ego illud magis amori tuo debeo, quam ullo ejus merito.

Quintilio siquid recitarem, corrige sodes,
Diceret, hoc atque hoc, ac me delerc juberet
Et male tornatos incudi reddere versus⁷⁾.

Certe videres me prae pudore et modestiâ, uti debeo, rubore suffusum ad istud tuum elogium, quod prona et praeceps tua benevolentia tam mature effudit, nisi vultum mihi velarent tuae hederae, quas doctarum praemia frontium dixit Flaccus⁸⁾. Sed et ego sine fronte sim, si non διάπασμα hoc inspergi mihi agnoscam ab amica manu e calamo poetico:

Soo gaet het met de pen,

De Rym-pen, want sy lieght ten deele van gewen,
Ten deelen om de konst⁹⁾, enz.

6) Voor een deel afgedrukt vóór de uitgaven van Ockenburgh, voor een ander deel in Tijdschrift voor Nederl. taal- en letterk., VI, 1886, blz. 246. - Zie No. 5319.

7) Hor. A.P., vs. 438.

8) Od., I, 1, vs. 29.

9) Zie Aen den Leser; Voor de By-schriften (vgl. Gedichten, V, blz. 16), vs. 19.

[p. 192]

Utut sit, ego haec in lucro deputanda et utendum hac aura censeo,

Dum vela secundi
Intendunt Zephyri¹⁾.

Neque rem levem puta, ejusmodi praeconio praeoccupasse animum lectoris, et quid non sibi polliceri jubeas eum, qui Zuylechemum buccinatorem existimationis suae habiturns est? Felicem Pelei filium, τὸν πόδας ὠϰὺν, praedicabat Macedonum dux, quod Homerum gestorum suorum praeconem habuisset; neque tu nobis hac parte minor es illo, de cujus stirpe

ἑπτὰ πόλεις διερίζουσι,
Σμύρνα, Ῥόδος, etc.

ut est apud Gellium²⁾. De editione nuperi hujus foetus jamjam cogito - nisi tyographus a praelo proelium crumenae suae metuat - quia et pigmentariorum ϰαὶ τῶν ἀρωματοπώλων interest, ne cerussae et piperi sui desint cuculli. - Dixisti mihi, si bene memini, de poeta quodam Anglicano, quem Jacobus Rex tanti faciebat, ut neminem alia linguâ exprimere posse putaret illius aut mentem, aut figmenta, aut stylum³⁾. Velim, si placet, scire hominis nomen et ejus operum, ut amico cuidam, qui illam amat linguam, hac in parte gratificer et, si te olim cum istoc archipoeta Britanno commisisti et aliquid ipsius imitatus es, rogo ut ejus videndi mihi fiat copia. Vale. In Ockenb., postr. Id. (14) Decemb. CIƆIƆCLIII.

1) Verg., Aen. V, vs. 32.

2) Noct. Att., III, 11.

3) Nl. John Donne; zie I, blz. 289.