Briefwisseling. Deel 5: 1649-1663

5308. Aan A. Vorstius⁷⁾. (K.A.)

Scriptoribus rei rusticae Latinis, M. Catone, puta, Ter. Varrone, Palladio et L. Columellâ, contubernalibus in Vitaulio meo, uti soleo quam familiariter,

7) Zie II, blz. 219.

[p. 185]

quales nimirum Coloniae anno CIƆIƆXXXVI Ioannes Gymnicus¹⁾ in 8^o excudit. Haec editio cum de male politis sit, et nimis quam mendosa, consulendum te imprimis duxi, ut, si quis praestantissimos autores meliori formâ vulgaverit, indicare digneris, et quovis pretio redemptos ad me remittere. Tum si quis eos aut notis aut uberiore commentario illustraverit experiens vir, gratissimum erit scire et meis sumptibus comparari. Reperiuntur in catalogo officinali Victorius²⁾, Scaliger³⁾, Fulv. Ursinus⁴⁾ et alij, qui tale quid moliti sint, editi Heidelbergae apud Commelinos, CIƆIƆXCIII, in 8^o. Et seorsim Cato Lugduni Bat. apud Raphelengium CIƆIƆXCV, item in 8^o. Invenio ibidem Theod. Zwingeri⁵⁾ opusculum, quod Methodum inscripsit rusticam Catonis atque Varronis, Basileae editum CIƆIƆXCV, 8^o, et Conr. Heresbachij⁶⁾ denique Rei rusticae libros IV, Spirae, in 4^o excusos, ut et Noribergae simile quid a Ioachimo Camerario⁷⁾ in 8^o, CIƆIƆXCVI. Horum omnium si quid instruendo mihi agricolae tironi facere existimabis, aut recentius porro quid et praestantius elaboratum noveris, quaeso te, certiorem facere me ne graveris. Non occurrit unius ad haec indiganda consilio prae te in omni Academia uti possem certius aut expeditius; addam et amicius, si pro necessitudine, quae non nupera est inter nos, otio me tuo tam familiariter abuti pateris, in re nimirum a professione tua minus aliena .... Hagae Com., IV Id. (10) Sept. CIƆIƆCLIII.

Inter Graeculos item si qui satis docte rusticati sint, ut Latinis accenseri mereantur, expectabo ut de his quoque indicium facias.

De morte magni Salmasij⁸⁾ heri nobis nunciata neque vobis, ut arbitror, inaudita, tecum doleo, et quidem ἐϰ μυελοῦ ψυχῆς. Homo fuit, et ab humanis aliquot imbecillitatibus minus quam voluissem immunis, at rei literariae tamen sidus illustrissimum, qualiumque hoc saeculo non ullum temere oriturum speres. Ecce de magnis adversarijs, ut fatum decernere placuit, alterum iudicij⁹⁾, alterum totâ vitae luce orbavit. Adeoque vi dirempti sunt, quos expedisset placatas animas Creatori obtulisse.

1) Johann Gymnich was van 1516-1544 als boekdrukker te Keulen werkzaam.

2) Pietro Vettori (1499-1585), geb. te Florence, was professor in zijne vaderstad. Zijne uitgave der Scriptores rei rusticae veteres latini zag in 1533 te Venetië het licht.

3) Josephus Justus Scaliger (zie I, blz. 386) gaf in 1565 te Parijs M. Terentii Varronis opera quae supersunt uit.

4) Fulvius Ursini (1529-1600), geb. te Rome, schreef Notae ad M. Catonem, M. Varronem, caet.

5) Theodor Zwinger (1533-1588) studeerde medicijnen, maar was tevens philoloog.

6) Conrad Heresbach (1496-1576) was een tijd lang professor in het Grieksch te Freiburg, daarna gouverneur van den jongen Hertog van Cleef.

7) Joachim Camerarius (1500-1574) was professor te Tübingen, daarna te Leipzig.

8) Saumaise was den 3^den Sept. gestorven.

9) Nl. D. Heinsius.