Briefwisseling. Deel 5: 1649-1663

5141. Aan prinses Amalia van Oranje. (K.A.)*

J'ay esté trouver M. Dedel en maison estrangere, et suis demeuré en conference avec luy jusques à present. Les particularitez en seroyent trop longues par escrit. Demain apres le premier presche je me donneray l'honneur d'en entretenir V.A. et de luy dire, comme nous sommes demeurez d'accord ensemble sur ce qu'il convient faire pour le mieux. Dedel doibt estre le jour de Lundi à Leiden, Crommon part demain pour Haerlem, et n'en reviendra que le mesme Lundi au soir. De sorte qu'il sera Mardi matin, avant que ces

[p. 90]

quatre deputez¹⁾ puissent faire rapport, à quoy il n'y a point de mal, parce qu'entretemps les deputez de M. l'Electeur auront loisir de faire ce de quoy je parleray à V.A. Ces quatre n'ont gueres tenu de discours ensemble, depuis qu'ils ont esté partis d'aveq V.A. Francken les a voulu mener chez luy, pour parler ensemble, mais, sachans comme il ne cerche que pretextes à faire boire, chascun l'a esquivé. Dedel dit, que V.A. s'estoit plainte, qu'elle se trouvoit seule trop foible contre quatre conseillers, mais qu'elle avoit si bien soustenu son droict que des quatre conseillers pas un n'eust peu la refuter, comme de faict, dit il, V.A. se plaint de choses qui ne sont excusables devant Dieu ny devant les hommes. 13 May 1651.

1) Zie No. 5139.