Briefwisseling. Deel 5: 1649-1663

4988. Aan Graaf Hendrik van Nassau⁴⁾. (H.A.)*

Ensuitte de l'assignatiou qu'il vous a pleu nous donner, je vous envoye non pas le plus cher de mes fils, car je les ayme tous esgalement, mais, j'ose dire, le plus precieux des quatre, en ce qu'il excelle sur le reste en force d'esprit et de sçavoir; et je m'asseure que ceux qui le sonderont aveq cognoissauce, trouveront qu'il n'en manque point en aucune sorte de science dont un jeun' homme de sa condition doibt estre pourven. Je l'estime cependant bien heureux, de ce qu'il luy est permis de faire son premier apprentissage au grand livre du monde soubs l'honneur de vos directions. Je vous supplie tres-humblement, Monseigneur, de les luy departir aux occasions, et au reste vous prevaloir de son petit service comme vous avez droict de le faire de celuy du pere, qui vous demeure tres-particulierement obligé de ceste grace, et taschera de la recognoistre partout où il sera capable de faire paroistre par ses tres-humbles services, qu'il est ..... A la Haye, le 9^e Octob. 1649.

Je ne dissimule pas, Monseigneur, par où il pourroit avoir occasion d'en

4) Zie No. 4984.

[p. 24]

parler, que je donne ce garçon pour tres-expert non seulement en l'estude de droict, qu'il vient d'achever, mais aussi es langues françoise, latine, grecque, hebraïque, syriaque et chaldaïque; mathematicien au reste par eminence, et musicien et peintre, et pour conclusion du plus doux naturel qui se puisse veoir. J'espere que vous trouverez que ce n'est pas la seule affection paternelle qui le dit, et prie qu'on ne l'importune pas de boire, ce qu'il n'entend pas.