Briefwisseling. Deel 4: 1644-1649

[p. 415]

4631. A. Slichtenhorst¹⁾. (R.A.)

Tarde, sed tandem, ad te mittitur dissertatio illa, de qua in Zutphaniensibus comitijs coram tecum²⁾, sed obiter, egi, quamque praesens praesenti nuper Amisfortensi in oppido exhibuissem, nisi fuisse illic et abijsse Hugenium simul intellexissem³⁾. Nisi valde vitium illud me decipit, quod Narcissum perdidit, non plane indigna erit, cui percurrendae duas horas celsissimus Princeps impendat. Caeterum ut quam ocyssime offeratur, admodum e re erit, si modo tuto nunc potest, ac peregre non absit, ut novellarij nuntiant, dominus tuus. Neque enim brevis mora tam noxia, quam esset intempestiva rei huius divulgatio pestilens. Paulo longius evagatus sum quam primo constitueram, nec aliter potui, tum propter diversitatem ac magnitudinem argumenti, tum quod receptas vulgo opiniones quasdam impugnare ac convellere necesse habui. Alicui e patriae statoribus quicquid huius est opellae tradere, in animo habebam, verum diversis ex causis prius magni Principis iudicio iudicium meum submittere, satius postea putavi. Quod restat, per te fideliter ac ex voto meo curatum iri, dubitare me non permittit innata tibi doctisque iam omnibus passim nota ac tantopere praedicata humanitas, qua etiam nuper beare me fastigio tuo non inferius credidisti. Si insuper praesentia mea, aut plura autographa - quatuor eiusdem exempli, praeter tria quae mitto, penes me servo - a Principe desiderantur, tam amico imperio lubens ac propere parebo. Vale, patriae nostrae ac literarum insigne sidus, ac Slichtenhorstium inter clientes tuos accense, qui te tuaque serio admiratur. Amisforti, pridie Kal. VI-tileis (= 31 Juli) CIƆIƆCXLVII.

1) Arend van Slichtenhorst († 1657) schijnt te Leiden gepromoveerd te zijn in de rechten, deed daarna eene reis naar Frankrijk en vestigde zich als advokaat te Arnhem. In 1653 gaf hij uit Alle de XIV boeken van de Geldersse Geschiedenissen.

2) Den 25^sten Mei was Huygens in het gevolg van den Prins op reis gegaan naar Overijsel, Gelderland en Utrecht. Van 31 Mei tot 4 Juni waren zij te Zutphen.

3) Den 21^sten Juli kwam Huygens met zijn oudsten zoon te Amersfoort en bleef daar tot den volgenden dag.