Briefwisseling. Deel 4: 1644-1649
(1915)–Constantijn Huygens–
Auteursrecht onbekend
[pagina 300]
| |
4326. J. van der BurghGa naar voetnoot1). (L.B.)Dans ma precedente je vous ay notifié le peu de different qu'il y sembloit avoir pour l'accommodement de l'Empereur avecq les deux couronnes, particulierement avecq celle de Suede, laquelle on avoit commencé à amorcer de la Pomeranie et d'autres grands avantages; mais comme je vous ay mandé que M. le comte de Servient estoit party d'icy pour Osnabrug, je vous viens apprendre son retour en cette ville, et que depuis les affaires sont bien changéz en ces quartiers là. Et de faict, Monsieur, quelle apparence que les autres concluent sans que la France y consente, qui faict maintenant la plus considerable partie de l'Europe; la Suede se seroit declarée sans retenüe de ne rien faire hors de saison, au desadvantage de la France, quelques belles offres que l'Empereur luy face. - Nous sommes en attente du retour de Mess.rs de HeemstedeGa naar voetnoot2) et de VosmerGa naar voetnoot3); eux arrivéz on passera au fort des affaires, et entamera la negotiation avecq l'Espagne. Selon la resolution prise par Mess.rs mes maistres, les deux secretaires respectivement doibvent commencer l'affaire, et se rencontrer l'un l'autre michemin entre l'hostel d'Espagne et le nostre, et se livrer l'un à l'autre un acte signé de leurs maistres respectifs, contenant la resolution prise par ensemble touchant la place de la congregation, la main, et la langue en laquelle on traictera. De sorte, Monsieur, qu'apparemment je seray de la partie. Au reste, la France ne sçait que juger du retardement de nostre campagne, et comme elle a sceu rompre le coup entre l'Empereur et la Suede, j'apprehende qu'elle nous monstrera de ne manquer point de moiens de nous faire subsister en nostre traicté, à mesure qu'elle jugera que nous pourrions avancer en son prejudice. - M. le duc de Longueville m'a sondé particulierement, voiant le retardement de nostre campagne, si la Hollande avoit desavoüé le traicté faict en France au regard des subsides; sur quoy je n'ay rien sçeu respondre positivement, mais bien que la Hollande sembloit vouloir consentir en la campagne, apres le retour de Mess.rs de Heemstede et de Knuijt icy, en conformité des advis que nous avions de la Haie. J'espere que vous aurez receu vostre pourtraict, ou qui le devoit estre ..... De Munster, le 1r de May 1646. |
|