Briefwisseling. Deel 4: 1644-1649

4015. Aan D. de Wilhem. (L.B.)*

Depuis ma lettre close, j'ay sceu de la Haye, par des advis mesme qu'en a eu M. de Starckenburg³⁾, que la maladie de mon collegue Junius⁴⁾ s'est empirée si soudainement, qu'il n'attend que la nouvelle de sa mort par les premieres, ses enfans l'ayans desjà creu par deux fois suffoqué des eaux qu'il a chargées. Cela m'a faict songer à mes affaires, et à entrer en longs discours aveq S.A. sur ceste function⁵⁾, qu'apparemment des gens viendroyent briguer. Aussi, grace a Dieu, nous nous sommes si bien entendus, qu'apres des tesmoignages tres-obligeants et que je n'ay pas meritez, de la pleine et entiere satisfaction qu'a S.A. de mon service, elle m'a bien faict entendre que je n'ay que faire d'apprehender un successeur à cest homme, ains que, comme je luy ay representé que de quatre secretaires qu'avoit son pere, et de quatre qu'en avoit le Conseil de l'Estat la charge en est tousjours demeurée uniquement au survivant, j'ay tout subject de me promettre la mesme grace de sa bonté, que je ne tire aucunement en doubte. Je vous le marque icy, Monsieur, pour vous prier de le mesnager aveq discretion, c'est à dire, non pas de le celer, mais de le publier cà et là doucement et aveq retenue, comme estant assez bien informé, que ceux qui se viendront presenter à cest employ y perdront leurs pas. Le tout, s'il vous plaist, sans qu'il paroisse que je m'en vante, mais bien en tesmoignant que vous sçavez de bonne part jusques où mon maistre et moy nous nous entendons. Et sachons un peu cependant comme on en discourt, ct quis aures arrigat. Je vous donne icy de l'importunité, mais j'espere qu'elle ne durera gueres. Ut in litteris⁶⁾.

3) Zie III, blz. 56. Hij was gehuwd met Aleida Junius.

4) Jacob Junius is den 13den Juli gestorven.

5) Huygens beeft dus mondeling afgedaan, wat hij eerst per brief had willen doen; zie No. 3981.

6) De brief heeft plaats, datum, noch jaar.