Briefwisseling. Deel 4: 1644-1649

[p. 77]

3778. W. Boreel¹⁾. (H.A.)

Enfin l'armée du general Essex ne pouvant plus et estant mise a l'extremité, elle a faict passer a tout hasard environ 2000 chevaulx vers Saltasch es environs de Pleymouth, et apres cela le general mesme avecq milord Robberts²⁾, marechal de l'armee, se sont embarquez a Froy³⁾ vers Pleymouth, et l'armee ne voyant autre remede a faicte capitulation avecq le Roy, quittant a sa Ma.^té tout son canon, armes, munitions, vivres, train et bagage, dont le Roy se trouve merveilleusement secouru pour le present, comme aussy avec les armes qui ont esté envoyez a Faelmouth par cy devant de Graveline par Mons.^r le duc d'Orleans. Le peuple du pays, a cause de mauvais traictement receu nonobstant la composition, s'est jetté sur ladicte armee du Parliament, la pillant entierement de toute chose, de sorte que Sa Ma.^té pour remedier a ladicte confusion, les a faict fournir de vivres et autres necessitez⁴⁾. On dict que le Roy y a gagné 53 pieces de canon de fonte verte et des armes pour 6000 hommes et beaucoup de munitions, et qu'il a presentement une armee de trente mil hommes fournis d'armes. Il envoya le prince Maurice⁵⁾ avec bon nombre de chevaux pour suivre les deux mil chevaux du Parlement evadez, et il y vient presentement icy une nouvelle que ledict prince les auroit attrapez et defaicts et en prins 1500 chevaux, dont la verité est encore doubteuse.

Tout marche presentement vers le Roy, lequel se trouve si fort qu'il a faict deux armees; l'une va vers la province de Kent et l'autre va trouver son ennemy. - On se trouve icy fort empesché pour donner ordre selon la presente occasion; le conte Manchester⁶⁾ et le Sieur Cromwel sont arrivez avanthier en ceste ville et leur armee doibt suivre, et tout va d'icy pour resister au Roy. - Les garnisons d'Oxford et Wallingford se sont jettez sur les Parlementaires asseageants Basinghowse, et ont defaict grand nombre d'iceux et levé le siege, ayants secouru la place de toute chose necessaire. Le siege de Bamburry s'est esloigné de deux miles l'Angleterre de ladicte place, et croit on que les Parlementaires le quitteront entierement.

En Escosse il y a une grande emotion entre le peuple du pays, espaulee par le marquis d'Antrim⁷⁾, qui a nouvellement receu un secours de six mil, autres disent dix mil Yrlandois, et seroit marché bien avant dans le pays et auroit defaict quelques troupes contraires. Et de vray on tient pour asseuré que le conte Calender⁸⁾ avec son armee auroit esté mandé de devant Nieucastel

1) De brief is alleen door Boreel onderteekend.

2) Bedoeld is John Robarts, graaf van Radnor (1606-1685), lid van het Hoogerhuis en kolonel onder Essex, met wien hij van Lostwithiel vluchtte.

3) = Fowey? Zie blz. 60.

4) De ruiterij van Essex had zich door de vijanden kunnen heenslaan, maar het voetvolk, dat volkomen ingesloten was, had zich moeten overgeven en was er heel slecht aan toe.

5) Zie III, blz. 94.

6) T.a.p., blz. 431.

7) Randal Macdonnell, viscount Dunluce, marquis of Antrim (1609-1683), was een tijd lang aan het hof, trouwde de weduwe van Buckingham en leefde een poos in Ierland. Hij heeft eene dubbelzinnige rol gespeeld.

8) James Livingstone, graaf van Calander († 1674), een Schot, heeft gediend in het leger der Staten (vgl. I, blz. 301) en was later luitenant-generaal van het Schotsche leger onder Lesley. Hij was nu eens voor, dan weer tegen den Koning.

[p. 78]

pour donner du secours; autres disent que le comte de Leven Lesley¹⁾ seroit aussi suivi en Escosse et que les Escossois auroient quitté le siege de ladicte ville, combien qu'il y en a icy qui en doubtent. - Sa Maj.^té a esté si benigne, qu'il a voulu - contre l'advis de plusieurs de son conseil - donner la composition a l'armee du conte d'Essex, combien que sur ceste occasion la nouvelle estoit freschement venue que les Escossois avoient faict prisonniers quatre cent Yerlandois, lesquels de sangfroid ils avoient liez dos a dos et noyez en la mer, le Roy disant pour toute raison qu'il laissoit la punition de ce forfaict a Dieu, et qu'il aimoit de conserver son peuple soit de l'un, soit de l'autre parti. - Par les nouvelles qui ensuivront vous entendrez le succez de plusieurs choses qui sont presentement soubs main ..... A Londres, ce 27^me de Septembre 1644.

1) Zie blz. 10.