Briefwisseling. Deel 3: 1640-1644

3441. Aan de hertogin de la Tremoïlle⁴⁾. (K.A.)

Je n'ay pas laissé tomber à terre les peines que V.A. s'est voulu donner à me specifier, par la lettre qu'elle m'a faict l'honneur de m'escrire le 26^e de Decembre, la veritable fin et intention de ce que M. de Beaugendre a ordre de negotier aupres de ces Messieurs les plenipotentiaires du Roy. J'en ay entretenu S.A. de point en point, et luy faict tellement gouster le dessein, que j'espere qu'en temps et lieu Voz Alt.^es se ressentiront des effects de ceste impression. Ledit S.^r de Beaugendre est apres à se procurer la depesche au Roy, qui doibt faire la principale piece du sac. Si selon l'advis que je luy en ay donné, il peust obtenir quelque mot particulier de l'un ou l'autre desdits

4) Kopie van andere hand. - Zie No. 3438.

[p. 456]

seigneurs plenipotentiaires, par ou il fust donné à entendre soubs main à quelque ministre de leurs amis, que le Roy feroit sagement de se saisir du droict de la maison de la Tremouille par traicté, qui est, Madame, le but ou vous tendez, mais duquel ils n'osent faire mention en leur dite lettre publique, pour n'avoir eu commandement d'en parler, j'estime que ce seroit le vray moyen d'acheminer l'affaire où on la desire veoir conduitte, et qu'ensuitte les entremises que S.A. s'est laissé entendre d'y vouloir employer tres-volontiers, venant à seconder ces lettres, mal-aysement pourroit on manquer d'y reuscir. Quoy qui arrive, je supplie tres-humblement V.A. de s'asseurer que je continueray de guetter toutes les occasions, ou soit de faict ou de conseil il me sera possible de luy faire connoistre que je marche droict apres l'honneur de ses commandements, et ne faudray jamais de m'y faire recognoistre ..... A la Haye, le 4^e de l'an 1644.