Briefwisseling. Deel 3: 1640-1644

3015. C. Barlaeus⁵⁾. (L.B.)

Mitto ad te epistolam praetoris Beverwicensis⁶⁾, qua respondet rescripto Celsissimi Principis ad libellum supplicem, quo culpae venia petitur in causa homicidij perpetrati ante triennium et ultra. Sub praesenti praetore non est commissum facinus, et qui praecessit praetor obijt; repertae tamen litterae defuncti praetoris, quas ad Principem mittere voluit, ex quibus facile intelliget Princeps, quid de facto omni statuendum sit. Ego sola ductus misericordia pauperis et misellae feminae, quae a marito exule avulsa per annos plurimos fuit, intercedo rogoque N.T., ut apud Principem id effectum det, quod, ut fiat a clementia et lenitate, Principum minime fuerit alienum. Sum jam per ferias Pentecostes Hagae, apud nobilissimum Vicofortium, ut et ipsum et amicos alios invisam, etiam filios tuos. Satrapa Muydensis in Frisiam abijt. Te sub finem aestatis, ubi castra dissolvet autumnus, Muydae expectamus. Non aberit Alcmariana ϰαρτορογνώμων⁷⁾. Ita statuit, paucis articulis opus esse ad fidem, et quae ab ecclesia Romana habet, ab antiquorum esse ritu et consuetudine; reliqua non pertinent ad curam et anxium examen laïcae matronae. Erranti valde blanditur Grotiana declaratio⁸⁾, cuius autoritate mota dimoveri ab instituto aegre poterit. Virgulas tuas et voces acriores⁹⁾ aequissimo animo fert, imo illas ipsas, morigerorum liberorum instar, osculari se ait. Epigrammata, quae nuper misisti, tum certi, tum incerti autoris, in delicijs nobis sunt. Mirum, si non novum aliquod meteororum genus sis scripturus in castris. Amant nasci epigrammata, non sollicite conquiri; quibus casus sorsque argumentum praebet, optima puto. Sed rursus moneo: collige in unum, ut acuminibus tuis acuantur plures. Malum, peius, pessimum absit ut adscribam bene natis versibus; mediocritatem boni epigrammatis

5) Uitgegeven door Van Vloten, Hooft's Brieven, IV, blz. 305.

6) In 1642 was Pieter van Mijerop schout van Beverwijk. (Meded. van den Heer C.J. Gonnet, Rijksarchivaris te Haarlem.)

7) Tesselschade.

8) Waarschijnlijk is bedoeld de Via ad pacem ecclesiasticam (1642).

9) Zie No. 2960.

[p. 292]

excessisti, et in excessu positus proficis. Nos, dum a nobis abes, non sinemus vel litteris, vel creberrima tui mentione, vel salutaribus potiunculis, memoriam tui exstingui. Vale, vir maxime, et inter castrorum strepitus et tympana et lituos Apollinis subinde barbiton arripe et melos tuum insere terribilibus machinarum bombis. Salutat te nobilissimus Vicofortius, hospes meus. Hagae Comitis, VIII Jun. 1642.