Briefwisseling. Deel 3: 1640-1644

2870. Aan graaf Hendrik van Nassau¹⁾. (H.A.)

Depuis ceste lettre de S.A. escritte, est arrivée celle qu'il vous a pleu me faire du 18^o dont je luy ay faict lecture aussitost, et là dessus ay eu ordre de vous dire, que S.A. desire estre informée par le menu et en destail, en quels endroicts et jusques où les ouvrages sont avancez ou accrochez, nommement, à quel point est le barm de fascines à la Meuse, à quel point l'overvall au croonwerck, et choses semblables, afin que de jour à autre S.A. puisse sçavoir, en quel estat est la forteresse.

Mons.^r le Maistre²⁾, sachant que je debvois avoir l'honneur de vous escrire à ce soir, me charge du message qui s'ensuit: qu'il a prestes icy eertaines 400 livres qu'il vous doibt, mais que sa femme luy mande, qu'elle les va payer à la femme de Niclas, le conchierge du chasteau à la Haye. De sorte, Monseigneur, qu'il espere que vous vous tiendrez satisfaict de ce payement, sans toucher lesdites 400 livres qui sont icy, lesquelles, dit il, si j'avoy payées outre ledit payement à faire ou desjà faict à la Haye, l'un des deux se recouvreroit aveq des peines indicibles; car over general over all, vaer en moer om een dubbele stuijver, etc.

Les pourpoints decouppez assiegent Bapaulme³⁾, où S.^t Prueil⁴⁾ a dit à Euskercke qu'il y a cent hommes en garnison. Aigueberre⁵⁾ a encor descouvert tant de grain et de vin, qu'il promet tenir jusqu'au dernier de Novembre. Aujourdhuy il vient des bruicts de Flandre, que Bapaulme seroit prins, et Aire secourru, mais le dernier se tient pour incroyable. Sur quoy vous recommandant en la garde du bon Dieu, mich aber in E.E. beharliche gnade trewlich empfelendt, je demeure ..... Au camp à Assenede, le 22^e de Sept. 1641, jour de l'equinoxe d'automne.

1) Zie No. 2860.

2) Misschien is daarmede Arend van Dorp bedoeld; zie II, blz. 328.

3) Het is den 18^den Sept. ingenomen.

4) Hij was gouverneur van Atrecht, heeft zich na de inneming van Bapaume schandelijk gedragen en is, om deze en andere daden van geweld, den 9^den Nov. onthoofd.

5) Zie blz. 221.