Briefwisseling. Deel 2: 1634-1639

2282. J. van Beverwijck. (L.B.)

Ante paucos dies pulsavi fores tuas, sed exijsse nuntiabaris ac foris pransurus. Cupiebam animi secreta in sinum tuum effundere, et praesens tibi,

῎γχι σχὼν ϰεϕαλὴν, ἵνα μὴ πυϑοίαϑ᾽ οἱ ἄλλοι³⁾,

aperire quod moveo, a te, si me amas, promovendum. Cum non ita pridem redirent a funere comitis Culemburgij⁴⁾ quidam Ordinum Generalium delegati, incidit forte inter eos sermo de rebus, quae apud nos terra marique geruntur, absurdum esse dictitantes, cum tantae essent, et vatibus sacris non carerent, non consignari eas ordine historiarum monumentis; paullum quippe, ut canit Flaccus⁵⁾, sepultae dis dare inertiae celatam virtutem. Id mihi indicavit, qui has tibi tradit, affinis Veltdrielius⁶⁾, animumque, quem oblectari historiarum studijs noverat, mihi addidit non refugiendi, si daretur occasio, talem provinciam. Communicavi id cum ijs, qui non parum possunt, et omnia mihi volunt, consulibus Beverio⁷⁾ et Teresteynio⁸⁾, ac non modo operam suam addixere, sed et apud suos commendationem. D. Catsius⁹⁾ quoque symbolam cum genero¹⁰⁾ conferet. Imo iam D. Mylius¹¹⁾, cum crederet ex meis literis, id nuper praeside Batavia propositum iri, oraculum Principis consuluerat¹²⁾. Sed dilatum a meis in discessum, brevi futurum, Ordinum Bataviae, qui, attentiores ad rem, fortassis remoram obijcerent. Unum restat, nobilissime domine, si ullo sum apud te loco, quod tot tuis in immerentem beneficijs cogor mihi promittere, oleum ut ardenti camino addere digneris, et Principi - qui favorem suum in hoc negotio iam pollicitus est - porro commendare, ut accersito, qui tum praesidebit, et rem ipsam et me sibi placere asserat. Nosti enim, quantum id apud illos, quibus

3) Odyssea, I, vs. 157.

4) Zie blz. 458.

5) Hor., Od., IV, 9, vs. 29.

6) Joannes Veltdriel was lid der Staten-Generaal voor Friesland.

7) Zie I, blz. 334.

8) T.a.p., blz. 363.

9) Cats was in 1636 Adriaen Pauw opgevolgd als raadpensionaris.

10) Zeker is bedoeld Cornelis Musch, de griffier der Staten-Generaal. Hij was in 1636 gehuwd met de 25 jaar jongere Elisabeth Cats.

11) Zie I, blz. 247.

12) De beteekenis van dezen zin is duister.

[p. 517]

ea res in manu, pondus sit habiturum. Vale, vir illustrissime, et studijs nostris fave. Dordrechti, XV Dec. CIƆIƆCXXXIX.

Hebt gij mijn boekje¹⁾ den Prins aangeboden?

1) Zeker Van de Wtnementheyt des Vrouwelicken Geslachts.