Briefwisseling. Deel 2: 1634-1639

2253. Aan A. Rivet¹⁾. (H.A.)*

La lettre qu'on donna aux instances de Madame de Valckenbourg fut escritte, avant qu'on eust veu l'Histoire d'Orange. Depuis S.A. y ayant passé la veuë, et notamment sur ce qui regarde le faict du S.^r de Valkenbourg, trouve que le recit qu'en faict l'auteur est tres-conforme à la verité; consequemment, qu'il n'y a point de raison de le reprocher. D'ailleurs, que Madame de Valkenbourg n'y est pas mentionné qu'à son avantage; finalement, que ce livre estant au monde, il n'y a plus moyen d'y apporter les moderations qui, peut estre, y eussent esté trouvées bonnes, si res in integro esset. C'est ce que j'ay ordre de vous dire par avance, sur voz responses du 26^e, que le mauvais temps n'a pas souffert que nous ayons receuës qu'aujourdhuy, qui est celuy de nostre embarquement, toute l'armée estant soubs le voile, pour se rendre demain à la teste de Berghes, où on entendra aux ordres de sa separation dans peu de jours. Vous voyez comme en bref nous aurons moyen de nous entretenir sur toutes choses de bouche. Ceste lettre vous servira cependant de precaution envers ces interessez, qui taschent de faire valoir leur benefice au delà de son estendue. Prevalez vous en, s'il vous plaist, mais ne l'alleguez pas ..... Au bateau de S.A., à la rade du fort de S.^t Anne, 30^e de Sept. 1639.

1) Zie No. 2247.