Briefwisseling. Deel 2: 1634-1639

1778. H. Reneri⁵⁾. (L.B.)

Je vous envoye le pourtraict que demandes. Il y a quelque chose que je n'ay point assez expliqué, et qu'il vous plaise m'en advertir; puisqu' avons maintenant vacances, je me transporteray tres volontiers à la Haye, pour vous en donner plus d'esclaircissement par vive voix. J'aye descouvert des belles choses en l'optique que je reserve au temps que j'auray l'honneur de vous presenter mes tres humbles services et tout ce que je pourray avoir de plus rare, si touttesfois il y a quelque chose que vostre esprit, le plus net et clairvoyant qui soit, n'ay point apperceu ou preveu. Ce qui ne se peult faire, sinon par les plus importantes occupations de vostre charge, qui vous font penser à des choses plus importantes. Je scay trois moyens de voir les figures droittes en la chambre obscure. Et je pense me pouvoir vanter de faire faire à son Alteze une peinture de mon invention, qui surpasseroit tout ce qui a jamais esté veu, en perfection, si j'avois ordre de la faire faire par quelque peintre qui fusse assez bon maistre. Voir je pourroy par le moyen de laditte peinture faire, que ceux quy ne seroyent point preoccupez, jureroyent de voir la chose mesme, et point une peinture. Mais ces choses requierrent la vive voix pour les faire croire, et une reelle demonstration pour les faire sentir et comme taster. Remettant donc ces choses et aultres à d'aultres occasions, je me recommanderay à vos bonnes graces, qui suis ..... En haste d'Utrecht, ce 1 de Janvier⁶⁾, stilo novo, quem tibi faustissimum ..... precor.

5) Zie No. 1776.

6) Het jaartal is weggelaten.