Briefwisseling. Deel 2: 1634-1639

1435. Aan V. Conrart⁴⁾. (K.A.)

La dispute a esté forte, mais enfin la joye de me trouver insensiblement au nombre de voz amiz a surmonté le regret de vous sçavoir importuné à mon subject. Jamais le secretaire de Monsieur le duc de Bouïllon⁵⁾ ne fit depesche plus utile aux serviteurs de son maistre, que celle par où il a osé se descharger sur vous, Monsieur, des peines qu'il m'avoit promises. Je ne tire point en compte la relieure d'un Testament, qui, en effect tres-belle, m'eust peu estre esté procurée d'ailleurs. Je fiche ma contemplation sur l'honneur de vostre cognoissance, pour en avoir cognu la valeur il y a longtemps, et m'y perds si avant que, s'il est permis de l'advouër, le peché de mon prochain m'edifie, et suis ravi d'avoir trouvé un honest' homme qui ayt voulu si bien mentir pour moy, que vostre prudence mesme, Monsieur, s'en soit laissé surprendre et m'en ayt voulu ouvrir l'entrée de vostre amitié. Promettez-moy, s'il vous plaist, vostre obstination, et que pour beaucoup que vous trouverez à dire à la verité du premier rapporteur, vous ne voudrez jamais haïr ce qu'il vous a faict souffrir une fois. C'est le seul support qui me reste. Promettez-le

4) Zie No. 1397.

5) Nl. Jacques de Veine, zie blz. 171.

[p. 190]

moy, Monsieur, je vous en reprie, et de quelque mauvaise grace que je m'explique en ceste langue estrangere, croyez que je dis du coeur, que ce sera l'unique fondement de la franchise que j'oseray partout à me publier, et entre vous et moy à me faire paroistre sans reserve ..... Au camp à Sprang, le 9^e de Sept. 1636.