Briefwisseling. Deel 2: 1634-1639
(1913)–Constantijn Huygens–
Auteursrecht onbekend
[pagina 170]
| |
1394. Aan J.L. Guez de BalzacGa naar voetnoot1). (K.A.)L'intervalle qu'on me donne entre la presse de l'imprimeur et le partement du premier ordinaire de ceste sepmaine est de si peu d'heures, que pour prevenir tout le monde comme je doibs en la depesche de ceste lettre, qu'on vient de m'escrire pour la seconde fois, et de me dedier pour la troisiesme, force m'est de vous l'envoyer en chemise. De quoy cependant, si l'auteur, nostre amy et vostre adversaire, prend cognoissance, il advouëra que c'est l'habit de la verité, qu'il defend et l'embleme de la liberté permise entre amiz en matiere de controverse, où l'honneur et la conscience sont hors d'interest. Vous jugerez, s'il vous plaist, comme il y a encor appuyé la premiere de nouveaux soustiens et, s'il ne s'est moderé en l'autre, de sorte que vostre apostre n'ayt subject de se plaindre, d'avoir travaillé toute la nuict sans rien prendre. Je ne vous avanceray rien la des us de mes sentimens, n'ayant peù employer ce peu de loisir qu'à tourner le premier fueillet du livre, et à vous r'asseurer par ceste occasion precipitée qu'en toutes celles de vostre service et contentement je seray des premiers à vous tesmoigner que je suis parfaictement ..... Le 22e de Juin 1636. |
|