Briefwisseling. Deel 2: 1634-1639

1202. C. van der Myle. (H.A.)

Eergisteren heb ik den Prins drie brieven van Rodrigo toegezonden. ‘Sur le soir du mesme jour, ayant prie le S.^r conseiller Persyn²⁾ de m'assister, j'ay este veoir les bas verds, luy proposant ce que depuis que vous et M.^r le capitayne des gardes³⁾ l'aviez veu estoit venu à ma cognoissance, et de quoy, quand l'autre fois avec le S.^r Beaumont⁴⁾ j'estoy pres de luy, je n'avoy fait ouverture, l'entretenant pour lors seulement sur les discours que son hoste m'avoit rapporte qu'il tenoit sur le fait de l'isle de Walcheren et les principales villes y situees, de quoy je vous ay escrit cy devant et aussy alors ay donne part au S.^r de Vosbergen. Les bas verds nous ayants ouy parler en conformite et avec le mesme accent que vous l'avies aborde et entretenu, est demeure ferme et resolu en sa pure negative sur tous les points que resultoyent des advis [que] j'avay receu de Rodrigo depuis vostre depart, y joignant des protestations de son innocence contre les calomnies qu'a sa ruine et contre son innocence - qu'il disoit estre devoir trop cognue - on mettoit faussement en avant, en desirant en avoir justice, se plaignant extremement de son arrest, et que par iceluy il estoit empesche de nourrir sa femme et enfants, mesme qu'il ne pouvoit parler à sa femme. Quand à sa conversation avec V. Pellens, il la fonde sur ce que ledit Pellens l'a voulu employer sur des desseins de Zeelande et Berges sur le Zoom, lesquels par luy auroyent este descouvertes et mesnagees avec ordre et cognoissance de son Excellence. Voila tout ce que s'est passe en nostre susditte entreveue, ne voyant pas d'apparence qu'en semblables conferences, comme jugeoit aussy ledit S.^r Persyn, en viendra resulter autre chose. Tout le principal, ce qu'est de consideration selon mon petit jugement, est la valeur et fondement qu'on peust ou doibt faire sur les adventures dudit Rodrigo. De la Haye, ce 13 d'Aoust 1635.

L'hoste des bas verds m'apporte ces⁵⁾ deux papiers d'ont l'un est une requeste a son Excellence, afin de pouvoir avoir acces de sa femme; il y a deux mois qu'elle a este ici sans qu'il l'aye veu. D'autant que j'attendoy tousjours que Rodrigo subministeroit quelque chose sur laquelle on le devroit ouir sans qu'il peult estre preadverti.

2) Mr. Reynier van Persijn († 1639) was sedert 1620 lid van het Hof van Holland.

3) Nl. Gleser; zie blz. 97.

4) Zie No. 1139.

5) Er staat: ses