Briefwisseling. Deel 2: 1634-1639

1185. Aan prinses Amalia van Oranje. (H.A.)*

Le 27^e nous deslogeames de Neer, comme il en estoit temps, pour la grande puanteur qui s'estoit engendrée au camp, passames la Meuse enbas de Rurmonde, et prinsmes quartier à Beselen, village là aupres. Le lendemain nous marchames jusques au bas de Venlo, laissans l'armée françoise par delà la mesme ville, et nous joignit incontinent apres M. le comte Guillaume aveq ses trouppes, à une heure près. Sur le soir arriva la noire nouvelle, que

[p. 90]

V. Ex.^e aura sceuë, de la surprinse du fort de Schenck¹⁾, et ne toucha pas legerement S. Ex.^e, qui, considerant le peu de gens qu'il y avoit dans le païs, et l'espouvante qui s'y trouveroit d'un accident de tant de consequence, resolut de se transporter vers icy en personne en toute diligence possible, fit monter en chariot deux mil hommes de pied, et y joignant quelques 20 compagnies de cavallerie partit sur la minuict, saus embaras de bagage, et arriva icy ceste apresdinée environ les quatre heures, à la grande joye de ce peuple, quoyque desjà un peu r'asseuré, voyant que l'enemi en demeure encor là, et qu'ayant sommé en vain le Tolhuijs, qui maintenant a esté pourveu de pres de 100 hommes, il y aura moyen de le couper là, au moins de l'y arrester. Noz deux armées ont marché aujourdhuy à la pointe du jour, et esperons nous que demain au soir, ou au plustard apres demain de grand matin, elles pourront estre icy. - Celle de l'enemy marche aussi sur ce succes vers la Meuse, où on la croid pieça arrivée. - Dedans le fort l'enemi a jetté environ 800 hommes, et y commande Einhouts, qui a conduit l'entreprinse. Nostre gouverneur y est mortellement blessé²⁾; la bourgeoisie y a esté pillée, sans autre insolence qu'on sache. M. le comte de Stirum³⁾ y va demain recognoistre aveq 300 chevaulx. Et comme noz armées seront arrivées, on ira deliberer, et tascher d'effectuer ce qui se pourra là dessus de plus avantageux ..... Le gouverneur ne s'est defendu d'un peu plus de 100 hommes, en ayant envoyé 90 à Emmerich, où on jugeoit que se feroit l'attacque de la partie sortie de Geldre. A Nimmeghe, le 29^e de Juillet 1635.

1) Den 27^sten Juli was Schenkenschans verrast door den overste Einhouts, die te Geldern in garnizoen lag. Daardoor moest de veldtocht van den Prins in de Zuidelijke Nederlanden worden opgegeven.

2) De gouverneur, kolonel Johan van Welderen, die er dikwijls over geklaagd had, dat de verdedigingswerken niet werden onderhouden, wilde geen kwartier hebben en is aan zijne wonden gestorven.

3) Waarschijnlijk Herman Otto, graaf van Limburg-Stirum, commissaris-generaal der ruiterij.