Briefwisseling. Deel 2: 1634-1639

1074. C. Barlaeus¹⁾. (L.B.)

Aliquando scripsimus sine epistolis, clarissime Hugeni, et obtrusimus alij alijs versus sine praefatione²⁾. Nec enim opus erat glossemate super moecho priore et posteriore³⁾, cui allegoriae tu primus occasionem dedisti. Laetor me ista arena subductum, et pertractum tuis iterum uncis in flammas aulicas, ubi cum flamma latius vagari potest poëtarum licentia. Fingunt poëtae Vulcanum - quod nomen collega meus⁴⁾ vult profectum a Tubalcain, qui fuit primus malleator et faber in cuncta opera aeris et ferri, ut habet textus Genes. 4 - claudicantem, quia inaequales sunt ignium flammulae. An ob hanc causam elegeris claudicantes iambos, ubi de Vulcano dicendum fuit, nescio. Iidem poëtae fabulantur, Vulcanum ambijsse aliquando nuptias Minervae, sed repulsam passum ob Iovis morositatem. Nunc voti sui compos factus est, postquam tu Minerva esse voluisti, qui sapientiae tuae poëticae vim illi desponsasti. Sed quam initurus sis gratiam apud Venerem zelotypam, ipse videris. Scazontes isti, tum quos mihi, tum quos publicae calamitati inscripsisti⁵⁾, gravissimi sunt exactissimique. Cum illos scriberes, calamum non in atramentum, sed in ipsam Aganippen tinxisti. Ego, qui te praeeuntem sequi soleo, a claudo claudicare, ut vides, didici⁶⁾. Pro libellis Puteanicis⁷⁾ gratis ago maximas. Debitor sum, sed expungam propediem nomina mea oratiunculâ, quam de Αἰῶνος admirandis habui⁸⁾. Nobilissimo Mylio velim hunc libellum tradi cures, quem mihi legendum misit. Percurre; invenies epigrammata nonnulla, quae genio et acumine non carent ..... Amstelod., XXI Feb. CIƆIƆCXXXV.

1) Uitgegeven in Barlaei Epistolae, blz. 582.

2) In Dec. 1634 en Jan. 1635 hadden Huygens en Barlaeus steeds gedichten gewisseld over verschillende onderwerpen (vgl. Gedichten, II, blz. 302, vlgg.).

3) T.a.p., blz. 308, het versje Ad Barlaeum.

4) G. Vossius, die tegelijk met Barlaeus tot professor aan de Illustre School was benoemd.

5) Incendij, quo pars aulae Hagiensis conflagravit IV Cal. Feb. CIƆIƆCXXXV, qui dies natalis erat Principis Auriaci, typus (t.a.p., blz. 312) en Ad Barlaeum, cum hunc scazontem mitterem (t.a.p., blz. 314). - Zie ook blz. 47, Noot 3.

6) Barlaeus schreef eene serie verzen op dien brand en op dien, welke den 4^den Febr. op nieuw een gedeelte van het Binnenhof, nl. ‘de kamer van Finantie van Hollandt’ aantastte (vgl. Poem., II, blz. 461-463, en 326).

7) Waarschijnlijk de Purpura Austriaca.

8) Barlaeus had zijne colleges over Aristoteles' De anima geopend met eene rede De animae humanae admirandis, die gedrukt werd en vertaald in het Hollandsch en in het Fransch.