Briefwisseling. Deel 2: 1634-1639

987. Aan prins Frederik Hendrik. (K.A.)

Je n'oseroy donner ceste importunité à V. Ex.^e si tard, ne fust la presse que m'en donne Monsieur Harsolte, qui venant de recepvoir du drossart de Zallant les adviz ci joints, portants le succes de la negotiation du Sieur d'Echten⁷⁾ à l'assemblée du landschap Drente, et les trouvants tout à faict

7) Waarschijnlijk Roelof, heer van Echten († 1643), drost en gouverneur van Koevorden.

[p. 11]

tels qu'il les eust peu desirer, pour aneantir et confondre toute la besoigne de ces deputez du comte Henri, juge que suivant le conseil dudit drossart, il est necessaire que V. Ex.^e somme promptement ledit S.^r d'Echten, de luy faire entendre si, et quelle resolution peut avoir esté prinse par ceux de Drente, sur les points aveq lesquels il est parti de la Haye, parce qu'une fois ceste resolution ayant esté communiquée à V. Ex.^e, il n'y aura plus apparence ni moyen de la faire changer ni retracter, apres quoy il paroist dans ceste lettre qu'on ne cessera de travailler. Si V. Ex.^e aggree ceste depesche, comme M. Harsolte l'en supplie aveq passion, s'imaginant que c'est l'unique coup de partie en ceste affaire, la lettre qu'on y pourroit faire servir va quant et cestes, telle que du concert dudit S.^r Harsolte je l'ay couchée, aveq la liberté qu'il m'a conseillé d'en prendre, voyant V. Ex.^e destituée de personnes qui l'y eussent peu servir, et que cependant la chose ne sçauroit souffrir aucune remise. Le S.^r d'Echten n'en parlera dans sa lettre qu'en termes generaulx, mais à la premiere semonce sera prest d'envoyer la resolution en forme et se trouvera authorisé d'en demander l'extraict au secretaîre. De quoy il est à croire qu'il faict scrupule sans le commandement de V. Ex.^e que M. Harsolt prie de vouloir mesnager les adviz du drossart .... A Nimmeghe, sur les 7 heures du soir, 19^e d'Aoust 1634.