Briefwisseling. Deel 1: 1608-1634

510. C. Barlaeus⁵⁾. (L.B.)

Imperaveram jampridem mihi silentium, Hugeni doctissime, uti ex adjuncto epigrammate vides, et Musis omnibus totique Heliconi valedixeram. Verum uti in magno dolore, praesente patris periculo, silentium rupit Croesi filius, ita mihi ingens patriae gaudium poeticam denuo fibulam laxavit. Dum illa feliciter rem gerere pergit, ego, licet minus feliciter, canere. Etiam vereor, ne crebrum illud meum βρεϰεϰόαξ ϰόαξ ϰόαξ⁶⁾ auribus tuis aliorumque molestum aliquando sit. Illud in Sylvam-Ducis operosius est. Quidni? maioris etiam operae fuit, illam vicisse. Olindam impetu cepimus⁷⁾, impetu celebravimus. Anne et hoc est orationem rebus accommodare? Cum hac transiret ante octiduum Nobiliss. Mylius⁸⁾, Ecquid, inquit, Barlaee,

5) Uitgegeven in Barlaei Epistolae, blz. 324.

6) Aristophanes, Ranae, vs. 209.

7) Den 15^den Febr. was de stad Olinda in Brazilië door de vloot der West-Indische Compagnie ingenomen.

8) Zie blz. 247.

[p. 285]

iam silebis et indictum sines Pernambucum? Affirmavi ego, et me nimia garrulitate vilescere aiebam; esse qui istam meam in poëtico studio liberalitatem reprehenderent. Etiam hic verum esse illud Theognidis, ϰαὶ τίϰτει ϰόρος ὔβριν¹⁾. Verum postero die, cum vix e somno coepissem connivere, et iam oculis detersissem nocturnum humorem, coepi furere et, ad damnatum morem recurrens, carmen scripsi²⁾ deductum, uti loquitur Maro³⁾, minus operosum et tenuis spiritus, uti amat Flaccus loqui⁴⁾. Languent animalia post immoderatam venerem, ob exhaustum spirituum fontem. Et horum quoque penuria fatiscit vis illa Apollinis et oestrus, quo vatum mentes incalescere solent. Quod de meretricula sua exclamat Horatius⁵⁾, ego de poësi dixerim:

Quae saga, quis me solvere Thessalis
Magus venenis, quis poterit deus?
Vix illigatum me triformi

Pegasus expediet Chimaera.

Si porrexerim in hoc studio,

Tandem resident cruribus asperae⁶⁾
Pelles, et album vertar in alitem
Superne, nascenturque leves

Per digitos humerosque plumae.

Vale, mi Hugeni, et diu vive,

Grande decus columenque rerum⁷⁾, caet.

Vide, ut Horatiana crepem, qui iam totus in eius sum lectione et mordacem rumino Flaccum. Lugd. Bat., IV Non. (4) May CIƆIƆCXXX.

1) vs. 153.

2) De titel is: Trivmphvs super capta Olinda, Pernambuci urbe, Brasiliae Metropoli (vgl. Poem., I, blz. 247).

3) Ecl., 6, vs. 5.

4) Od., II, 16, vs. 38.

5) Od., I, 27, vs. 21, sqq.

6) Od., II, 20, vs. 9, sqq.

7) Od., II, 17, vs. 4.