Briefwisseling. Deel 1: 1608-1634

465. C. Barlaeus⁶⁾. (L.B.)

Sequor applausu victorem, Nobilissime Hugeni, et qua praeit fortiter agendo Auriacus, subeo pone encomiastes. Victoriam captae Vesaliae⁷⁾, summo patriae discrimine, nobis indusit Deus Opt. Max., sed plane ὡς ἀπὸ μηχανῆς. Errorem et negligentiam nostrorum correxit

6) Uitgegeven in Barlaei Epistolae, blz. 294.

7) Den 19^den Augustus was Wezel bij verrassing ingenomen.

[p. 267]

maior hostium error. Discimus utrique, neminem celerius opprimi, quam qui nihil timet, et parvis momentis in bello magnos casus intercedere. Epinicium hoc¹⁾ pari me celeritate credas scripsisse, qua Vesaliam cepimus. Nec patiebatur praeceps gaudium, ut vel prolixius scriberem, vel elaboratius. Et quia vis, ut compotem te eorum faciam, quae scripturienti calamo excidunt, audeo et hoc opusculum calida incude properatum iudicio tuo submittere. Habent tibicines in tibiarum inflatione suum ἐνδόσιμον, et proëmium suum oratores. Forte et haec maioris triumphi, quem votis omnes praecepimus, praeludia erunt. Exemplaria ijs distribue, quos iudicabis a patria, a studijs, a me minime aversos. Vale, vir maxime, et Martios cantus, si isthic licet, Apollineis dilue. Lugd. Bat., III Non. (3) Sept. CIƆIƆCXXIX.

1) Nl. Vesalia capta (vgl. Poem., I, blz. 213).