Briefwisseling. Deel 1: 1608-1634

258. Aan J. van der Burgh en J. Brosterhuisen. (K.A.)

Quanti mea intersit, ut ne solus prodeam, sed aliqua vestrum stipante caterva, tibi nuper, Verburghi, coram expositum fuit. Rationes etiam et causas addidi, quae, praeter vos nemini ut innotescant, iterum rogo. Agite igitur nunc, si viri estis, fortiter cum amico perito et, si poetice unquam mendacio indulsisti, nunc vero et calide toti illi incumbite. Ego a superis inferisque peccati veniam polliceor, quo miseri poetae existimationem servaveritis. At ut praeitoribus vobis multa poetarum veniat manus auxilio, quae sit mihi³⁾, curandum praecipue est. Plures mihi debendi reos praestate, si totum Hugenium id vobis unice esse vultis. Ergo nec Cunaeos⁴⁾ vestros, nec Vossios⁵⁾, nec Barlaeos⁶⁾ excipio, nec si quos ab ijs proximos judicate, nisi quid excipiunt insignes viri adversus homuncionem non suae tribus, et satis hic opipare tineas haberi existimant, ut, ad ipsos quod attinet, toga cordylis et penula desit olivis⁷⁾. Equidem certe, quo ne sic vapulem, causam non dico. Quin eo maxime procuratores vos adhibeo, quo me de me ipso quam humillime, de vobis autem et eâ, qua apud eruditos gratiâ polletis, summa omnia sentire palam sit. Valete, viri fraterrimi, et hos mutilos libellos, ubi commodum erit, remittite. Desunt ad umbilicum quaterniones minimum decem, tum in capite praefatiuncula ad Heinsium, cui omnia inscribo - ne quid miremini, quod eius hic mentionem non faciam - et pauca alia, quae intra mensem omnia confecta dare typographi pollicentur. Hag., .. Apr. 1625⁸⁾.

3) Hor., Sat., I, 4, vs. 141.

4) Petrus Cunaeus (1586-1639), geb. te Vlissingen, studeerde te Leiden en te Franeker, werd in 1613 in de eerstgenoemde stad professor in de staatkunde en in 1615 ook in de rechten. Hij was een beroemd geleerde, die veel heeft geschreven.

5) Gerardus Vossius (1577-1649), geb. te Heidelberg, studeerde te Leiden in letteren en theologie, werd rector der Latijnsche school te Dordrecht, daarna regent van het Staten-college en professor te Leiden. In 1619 werd hij afgezet, maar in 1631 benoemd tot professor aan het pas opgerichte Athenaeum te Amsterdam. De beroemde geleerde heeft een groot aantal werken geschreven.

6) Zie blz. 180.

7) Martialis, XIII, 1, vs. 1.

8) De datum ontbreekt.