Horae Belgicae

CCX.
¶ Een nyeu liedeken.

BOurgoensche herten wilt v verblijden
En scaffet eenen huebschen moet.
Elck help den keyser vromelijc strijen.
Met alle zijn edelen goet.
Want hi is comen na dat gentse pleyn
En voort al na Antwerpen certeyn.
Comt hi die borgers vercloecken.
Borgoense herten in allen hoecken
Hy heeft voor landerci gheleghen
Met menighen vromen man.
Al en heeft hijt doen niet gecreghen.
Daer en leit nv niet veel an.
Landurcy sal noch tzijnen besten zijn.
Elck borgoensman op dit termijn.
Wilt vrolijck iubeleren
Met onsen keyser wilt triumpheren

[p. 325]

3.

Die fransoysen hebben daer gelaten.

 

Bussen poeyer encle clooten goet.

 

Landerci hebben si verlaten.

 

Met alle dat franse bloet.

 

Die fransoysen zyn comen al met gewelt.

 

Den keyser heeft hem in een slachoorden gestelt.

 

En heeft die fransoysen verdreuen.

 

Vele hebbender gelaten haer leuen

4.

Die fransen meynden int gemeyne.

 

Dat onsen edelen keyser was doot

 

die trock fransoysen groot en cleyne.

 

Wordent geware verstaget den cloot.

 

Want hise beschiet met puluer en bly.

 

Den fransman moest wijken verstaget wel mi.

 

Met alle zijn ondersaten.

 

Torcken en fransoysen most hi daer laten

5.

Den dolfijn heeft daer gelaten.

 

Siluer en daer toe roode gout.

 

Merten van rossum quam te baten.

 

Den edelen keyser seer stout

 

Den graue van bueren stout edel en coen.

 

Die hielp daer menigen fransen man ontdoen

 

Menigen turck van onwerden.

 

Te voet ende ooc te perden

6.

Die fransoysen hadden haer vermeten

 

Jn alle so corten stont.

 

Qualijck hebben si haer gequeten.

 

Si liepen van daer goet rout

 

Daer den fransen coninc af heeft bescheit

 

Hi heeft ons gedaen so menich leyt.

 

Al met die valsche turcken.

 

Wi en achten zijn pochen noch snorcken

7.

Den coninc had hem vermeten

 

Met alle zijnen staet.

 

Hi meynde ons hebben verbeten.

 

Maer hi is comen te laet.

[p. 326]

 

Dies hi keeren moet binnen cort termijn

 

En eeren onsen keyser fijn.

 

Also daer is beschreuen.

 

Door godlijcke propheten verheuen

8.

Loef god al van hier bouen

 

Gheeft hem prijs eer en daer toe danc.

 

Laet ons den keyser louen

 

Al nae der propheten sanck

 

Die gescreuen hebben ouer menighen tijt.

 

Dat onsen keyser sonder verwijt

 

Soude triumpheren ouer zijn vyanden

 

Turcken franchoysen brengen ter schanden.