Horae Belgicae


CCVIII. ¶ Een nyeu liedeken 1.[regelnummer] WY moghen wel louen en dancken den tijt die dees ghenuechte doet bedrijuen Jck hebbe consent al van mijn wijf Te spelen tot den vijuen Jck lach daer ouer op beyde mijn knien doen seyt si de vou gaerde homme de bien. 2.[regelnummer] Het snuchtens als ick op gae staen Jck leyde mijn wijf ten asemente Jck leytse al in haer camerken Jck helptse stellen al op haere gente ic houde den spiegel daer si haer hair op doet dan segt si man van eeren weest ghegroet 3.[regelnummer] Jck wassche ick backe ic vage den vloer. Jck doe dat werc al vanden huyse Jc sette dat kint op mijnen schoot Dan vraghe ick vanden gruse Als ick dat doe dan eest al goet dan segt si man van eeren weest ghegroet 4.[regelnummer] Het snuchtens als die clocke achste slaet. Dan gae ick maken den pottagie Jck leyde mijn wijf ter kercken waert Spreect si mi toe ic weer mijnen hoet dan segt si man van eeren weest ghegroet 5.[regelnummer] Ten geeft mi geen wonder al lijde ic druc Al gae ick al siende met smallen caken Fortune en biet mi gheen gheluck Aen tvoore woonen en can ic niet geraken Jck lach daer ouer op beyde mijn knien Doen seyt si de vou gaerde homme de bien
[pagina 323]
6.[regelnummer] Oorlof prince op dit termijn Wi moeten floicx van hier scheyden Jck hebbe een wijf so quaden wijf Den duyuel die moet haer gheleyden Segghe ic ia mijn wijf seyt neen dan seyt si dieu vou gaerde homme de bien.