Horae Belgicae

CLXXXVI.
¶ Een nyeu liedeken

GHi chrijslieden alle te samen
Sijt vrolijcken in die weer
die Geldersce mogen haer wel scamen
dat si ons comen heer
Om hensborch te winnen was haer motijf.
Het heest hen ghecost so menich lijf
En al tot haer verlanghen
Het en conde haer niet wel verganghen
Die wachters hoorde ick reden
Ghi lantsknechts maect v in die weer
Meynaert met sinen lammen leden
die comt ons voor Hensborch heer
Hi brengt met hem so menighen man
Ghi chrijslieden wiltse schouwen an
Ende verdienen prijsen
Nae oude lantsknechten wijsen

[p. 285]

3.

So haest als wi vernamen

 

Ende hoorden des wachters woort

 

Wi lantsknechten al te samen

 

Maecten ons al op die poort

 

Men sach daer gheen crijsknecht troeren.

 

Het dochten ons meest geldersche boeren

 

Wi boden haer goeden morghen

 

Ende schooten daer in sonder sorghen

4.

Eenen brief is ons ghecomen

 

Met eenen bode al op dat pas

 

daer in dat wi vernamen

 

dat Meynaert haer ouerste was

 

Och hertoch Willem hoochgheboren man

 

Js uwen raet aen Meynert van Ham

 

Merten van Rossum, en sulcke reden

 

Si brenghen v om landen ende steden

5.

Bode keert wederom tzo velden

 

Dat gheuen wi voor den besten raet

 

Segt Meynaert dat hi laet zijn schelden

 

En sien wat in sinen boesem gescreuen staet

 

Hi begheert van ons dese stercke stadt

 

Schaemt hi hem niet wi weten wel badt

 

Wilt hi ons crijghen leeren

 

Een crijch vorst hebben wi tot eenen heere.

6.

Hi begheert een antwoort schriftelick

 

Dat dunct ons wesen so vreemden spel

 

Met spiesen ende met cortouwen ende dier gelic

 

Hebben wi leeren schriuen wel

 

Daer hebben wi menighen lantsknecht by

 

Si schrijuen so dapper met puluer en bly

 

Wilt ghi die brieuen lesen

 

Van die pocken sullen wi hem ghenesen.

7.

Op eenen morghen si ons beleyden

 

Op eenen saterdach dat dat gheschach

 

Mer tsaemdaechs mosten si wederom scheiden

 

xix. venlijn nien vlieghen sach

[p. 286]

 

Si hoorden daer quam so groote gewelt

 

Meynaert van ham moste ruymen dat velt

 

Dat deden die Borgoensche heeren

 

Het narren spel wilden si hen leeren

8.

Thof van bourgoengien willen wi louen.

 

dat ons heeft ontsedt met spijse en dranck

 

Nv sitten wi bi den cackelouen

 

Nirredom noey is onsen sanck

 

Op meynerts gaerde worden ons billen bloet

 

die Keyser loont ons met penninghen root

 

wi maken ons cleederen doorsneden

 

Naer oude lants knechten zeden

9.

Die dit liedeken dichten

 

Dat was een lants knecht goet

 

Sijn hert dat sachmen verlichten

 

Hi isser wel toe ghemoet

 

Om hensborch te houden en drincken den wyn

 

Op meynerts gaerde en wilt hi niet meer zyn

 

Hi laet hem sijn brillen vercoopen

 

Hi wilt blijuen bi tkeysers hoopen