Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CLXXXI. ¶ Een nyeu liedeken 1.[regelnummer] DJe ghelders ende die fransoysen Die sijn daer ombekent Sy branden ende sy roofden Op dit Bourgoensche lant Dwelck ons Keyser was onbekent Hi was gheuaren al wt zijn lant Qualijck cost hijt weten Wat sijn volck hier mocht ghebreken 2.[regelnummer] Ons Keyser verhoorde die sprake Hoe dat wi waren ghequelt Hi comt sijne leghere doen maken Voor Cleeflant in dat velt. Hy wilt aenschouwen cleyn ende groot Ende smijten die cleefsche ende geldersche doot Ghene pays en sal hen baten Al sou den Aren sijn leuen om laten 3.[regelnummer] Den Aren is stout int vlieghen Met sijn vedere wijt Hi sal den lelyen verdrijuen Die Ghelders bloeme ter spijt Om dat si op ons draghen haet ende nijt. Sy meynden wi waren des Keyser quijt Maer neen godt danck den heere Hy comet hen den crijch verleeren 4.[regelnummer] Waer is den verrader gheuaren Die lest mael voor Louen was Het viel hem suer om draghen Het ransoen datmen hem daer gaf Van clooten, van poyere, was een abuys [pagina 277] [p. 277] Hy moest dan lopen totten coninck huys Om dat Ransioen te draghen Dat hem die louenaers gauen 5.[regelnummer] Het mosten hem wel seer spijten Den schellem den onverlaet in sijne breydel bijten Al om te wreeken sijn quaet Om dat hi te Lueuen niet en binne en quam Met alle sijn verraders lam Die hi daer in hadde bescreuen En Jochendaelders hadde ghegheuen 6.[regelnummer] Ghy borgoensche en wilt niet trueren Schafft woder om eenen huepschen moet Nae suere comt tsuete Al vallet v teghen spoet Hebdy verloren eenich goet Verwacht den Keyser met der spoet En wilt hem blijuen ghetrouwe Ghi sult winnen die croone van gouwe 7.[regelnummer] Maer die dit heeft ghesonghen Oft diet eerst mael sanck Hy sprack met vlaemsche tonghen Gheboren al in Brabant Van blijschap drinckt hy geerne den wijn. Lijf en goet is voor den Keyser fijn Wi willent met hem waghen En bi staen tot alle sijn daghen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd