Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende [pagina 265] [p. 265] CLXXV. ¶ Een nyeu liedeken 1.[regelnummer] AL dat spreect met vlaemschen tonghen Hoort naer dit vroelijck liet Twert tuwer eeren ghesonghen Wat te Watendamme is gheschiet Hoe dattet beschermt was voor verdriet Maer this God diet al voorsiet Want die vransche valsch van manieren Waendent branden ende pilgieren 2.[regelnummer] Daer was een valsch verrader een moelenaer bi beschee Hi sprack tot ons heeren allegader Dat si ouer twater souden trecken in bree Alsmen screef duysent .Ccccc. XI en twee En dat met eenen valschen ee Op den auont van onser vrouwe te half oogst dede hi dees ontrouwe 3.[regelnummer] Mijn heere van nyeuwer leecoene Mijn heere vanden gracht Om Rumegem bystant te doene Met schaders Rijssel ambacht Scheepten ouer twater inder nacht Maer si laghender met volle macht want den verrader swoer sonder sparen datter meer een vaenken knechten en waren 4.[regelnummer] Dese fransche met nauwe listen Si berchden haer in een hout Ons heeren diet niet en wisten Volchden haer valsche ghanghe stout Edel onedel, ionck en out, De vransce om rijngdense so menich sout Si en wisten haer waer solueren Elck vluchte sonder cesseren [pagina 266] [p. 266] 5.[regelnummer] Bellambacht met cloecken sinnen Si hoordent allaerme slaen Si laghen te wachtendamme binnen Si lieten haer eten staen Seer haest sijn si naer twater ghegaen En riepen keert, wi zijn al verraen Veel knechten sijn huer teghen ghecomen Die door twater quamen gheswommen 6.[regelnummer] Bellambacht niet om verfrayen Met morsle ghinghen si voort En deden dat vaenderlinc blaeyen Neffens twater op den boort Al saghen si haer broeders versmoort Dan al loopende sijn vermoort Si riepen staet vrome landtsknechten Laet ons lieuer doot vechten 7.[regelnummer] Met bussen ende halue haken Vielen si seer dapperlick an En schoten om gheraken Daer bleef so menighen franschen man. Monsuer de Rues quamer toe als dan Heel den leghere te lichten began die twee slanghen met hem brochte Daermen die fransoysen met gheraeckte 8.[regelnummer] Bin dat ons lieden dus schooten Om Waten te doen bystant Die fransche namen drye booten och op eenen anderen cant En waenden so ouer te comen int lant Dus bleef waten onghebrant Maer ons lieden dit verstonden Si maectense waterhonden 9.[regelnummer] Die franchoysen met nijdighen toren Quamen op dat saysoen Met borgoensche cruycen voren datse ons volck niet en soude misdoen En haelden schapen en coen [pagina 267] [p. 267] Want si kenden haer gheluwe hoen Met die borgoensche niet en lieten Noch tparck te behouden met schieten 10.[regelnummer] God spare ons keyser machtich Voor druck ende teghenspoet Mer allen heeren voordachtich En al dat hem bystant doet En beschermen tonnosel bloet Op dat sy die franchoysen onuroet Die om verraetschap altijt helden Huer valsche coopen verghelden Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd